Елде ата-аналардың жұмыс күнін қысқарту ұсынылды, деп хабарлайды Dalanews.kz.
Премьер-министрдің орынбасары - ұлттық экономика министрі Серік Жұманғарин бұл ұсынысты әлі көрмегенін, бірақ оның мәнін түсініп, жан-жақты талдау қажет екенін жеткізді.
Оның айтуынша, халықаралық тәжірибеде үйде отырып, шаруамен айналысу немесе балаларға қарау толыққанды еңбек ретінде танылады.
"Мұны назардан тыс қалдыруға болмайды. Экономикада әрбір нәрсе есепке алынады. Сондықтан бастаманы жан-жақты бағалау керек", - деді ол.
Еске салайық, кеше Мәжіліс депутаттары баласы мен науқас туысына қарайтын ата-аналар үшін жұмыс уақытын қысқартуды ұсынды.
