Olarǵa dıaskın-test jasaýǵa jáne tumaýǵa qarsy egýge aqparattandyrylǵan kelisim blankisi beriledi eken. Oǵan qol qoıǵan ata-ana balasyn KVI qarsy egýge ruqsat beredi. Bul feık.
Shyn máninde, mundaı blankiler qazaqstandyq oqýshylardyń ata-analaryna berilmeıdi. QR DSM sanıtarlyq-epıdemıologıalyq baqylaý komıteti bul jaǵdaıǵa qatysty pikirin bildirdi.
“Dıaskın test – bul adamnyń týberkýlezben aýyratyndyǵyn anyqtaıtyn naqty test. Ol barlyq balalarǵa birdeı jasalmaıdy. Ony Mantý synamasy oń nátıje bergen mektep oqýshylaryna ǵana jasaıdy. Dıaskın-test mektepterde emes, týberkýlez dıspanserlerinde jáne tek ata-analardyń kelisimimen ǵana jasalady. Tumaýǵa qarsy vaksınasıa da mektep qabyrǵasynda júrgizilmeıdi. Onyń ústine, búgingi kúni Qazaqstanda da, álemde de bir ýaqytta tumaýdan da, KVI-den de qorǵaıtyn polıvaksınalar joq”, – dep málimdedi vedomstvonyń resmı ókili Erjan Baıtanaev.
Demek, ata-analardy balalardy egýge kelisimge qol qoıýǵa májbúrleıtini týraly aqparat feık. Elimizde dıaskın-test te, tumaýǵa qarsy vaksınasıa da mektepterde júrgizilmeıdi.
