Ashat Sadyrbai: "Aqymaqpen aqymaq bolǵym kelmeidi"
– Shyny kerek, ózińiz týraly jaǵymsyz aqparattar kóp taraidy. Biraq eshbirine qarsy ýáj aitpaisyz. Buny qalai túsinýge bolady? Únsizdik keliskenniń belgisi me, álde aqymaqpen aqymaq bolýdan qorqasyz ba?
– Birinshiden, aqymaqpen aqymaq bolǵym kelmeidi, ekinshiden, men eshqashan eshkimniń aldynda aqtalmaimyn. Meniń atymnan kim ne aitsa da ol ózderiniń erikteri. Men bireý jaman aitty dep jaman nemese jaqsy aitty dep jaqsy bolyp qalmaimyn. Men qandai barmyn, sondai bolyp qala beremin, eshkimniń aldynda esep bermeimin. Tek Allanyń aldynda esep beremin, negizi Allanyń aldynda bárimiz esep beremiz. Meniń qandai adam ekenimdi janymda júrgender jaqsy biledi. Qandai dos ekenimdi dostarym biledi. Qandai baýyr ekenimdi baýyrlarym biledi.
Qandai áke ekenimdi uldarym biledi. Al dushpandarym ne biledi, ne aitady de oilaisyz? Bireýdi jaman degenniń ózi jaman, bireýdi jaqsy degenniń ózi jaqsy. Al jaǵymsyz pikirlerge qazir kóńil bólmeimin. Osydan birneshe jyl buryn men týraly jaman sóz aitylsa, júregim aýyryp, qinalatynmyn. Qazir shynymdy aitsam, etimniń úirengeni sonsha, bylq etpeitin de boldym. Ne jazylatyndaryn, árine, bilemin, biraq kóńilge almaimyn. Bireýler aitsa senbes edim, qalai ózi týraly aitsa mán bermeidi dep. Shyn máninde adam pisedi eken. Men qazir pisippin, sosyn mán bermeimin.
– Osy oraida siz týraly jalǵan aqparat taratyp otyrǵan jýrnalisterge ókpeńiz bar shyǵar?
– Men olardy jýrnalist dep sanamaimyn. Sondyqtan olarǵa renjimeimin, ol jýrnalistika emes. Ol – sary basylym. Olar men týraly ósek jazyp nan taýyp jep otyrsa, bala-shaǵalaryn baǵyp otyrsa baqytty bolsyn! Basqa ne deimin?! Basqa eshteńe qoldarynan kelmese, saraptama jaza almasa, paidaly dúnie jasai almasa, ne isteisiń? Al, jala jaýyp, ósek oilap taýyp taratqyshtardy endi zańmen qýdalaimyn. Óitkeni árnárseniń shegi bolady. Kim bolsa, ol bolsyn izdep tabamyn, qajet bolsa, aryz da jazamyn.
