Ashat Qasenǵali, saiasattanýshy: "Biraz máseleniń baǵyty aiqyndaldy"
Degenmen odan buryn Joldaýda aitylǵan dúnielerge mán bergen abzal sekildi. Eń bastysy endi elimizde prezident 7 jylǵa tek bir kezeń ǵana sailanatyn boldy. Ekinshi ret qatysa almaidy. Damyǵan elderdiń basym kópshiliginde bar, nátijesin kórsetken tájiribe. Endi osy ózgeristi saqtap qalý asa mańyzdy. Jalpy, biraz dúnie aitylyp, maqsat qoiylyp jatyr. Biliktegi ádildikti qamtamasyz etý úshin sot salasyn reformalaý – óte qajet bolatyn is.
Qazir Prezidenttiń bastamasymen kóptegen jumys atqarylýda. Halyq úshin ózekti sanalatyn jer máselesi, igerilmei jatqan alqaptar, zańsyz ótip ketken jerdi qaitarý, salyqty igerý, balalarǵa arnaiy qor ashý, balabaqsha qyzmetkerleriniń jalaqysyn arttyrý, meditsina salasyn ózgertý, qurylys kompaniialaryna arnalǵan ereje, jataqhanamen qamtamasyz etý – osynyń bári de nazardan tys qalmady. Al bul jumystardyń iske asýy tikelei Úkimetke bailanysty. Onyń qarqynyn kóre jatarmyz. Qazirgi Úkimetke krizis menedjer emes, jańa adamdar kerek. Úkimet óziniń atqarýshy ekenin bilgeni abzal. Prezident sailaýynan keiin kadrlyq jaǵynan, júie jóninen úlken ózgerister bolaryna senim mol.
