QR Bilim jáne ǵylym mınıstri Ashat Aımaǵambetov qoǵamdyq tártipti saqtaý kezinde qaza bolǵandardyń balalary ýnıversıtette tegin oqıtynyn aıtty, – dep habarlaıdy Dalanews.kz.

Qoǵamdyq tártipti saqtaý kezinde qaza tapqan áskerı qyzmetshiler, quqyq qorǵaý jáne arnaýly memlekettik organ qyzmetkerleriniń balalary ýnıversıtette tegin oqıdy.

– Qoǵamdyq tártipti saqtaý kezinde mindetterin óteý barysynda qaza tapqan áskerı qyzmetshiler, quqyq qorǵaý jáne  arnaýly memlekettik organ qyzmetkerleriniń balalary ýnıversıtette oqýy úshin bilim grantyn berý  usynylady. Bul da Memleket basshysynyń tapsyrmasy aıasynda júzege asyrylady, – deıdi mınıstr.

Onyń aıtýynsha, granttar Qazaqstannyń jetekshi JOO-larynda oqý úshin bólinedi.

– Olar oqý bitirgen soń negizgi turatyn jer boıynsha jumys óteý kózdeledi. Prezıdenttiń tehnıkalyq mamandyqqa basymdyq berý tapsyrmasy negizinde osy saladaǵy grant sany 60%-ǵa kóbeıedi, – deıdi ol.