Májilis depýtaty Ashat Aimaǵambetov zeinetaqy annýiteti júiesine qatysty mańyzdy ózgeris engizilgenin habarlady, dep jazady dalanews.kz.
Depýtattyń aitýynsha, jańadan qabyldanǵan zańda zeinetaqy annýiteti boiynsha muragerlerdiń quqyǵyn keńeitetin túzetý bar. Bul ózgeris resmi túrde kúshine enedi.
Buǵan deiin zeinetaqy annýitetin rásimdegen adam qaitys bolǵan jaǵdaida, onyń shotynda qalǵan qarajat muragerlerine tolyq kólemde birden berilmeitin. Otbasy músheleri bul aqshany tek ai saiynǵy tólem túrinde, uzaq jyldar boiy bólip alyp kelgen.
"Keshe qabyldanǵan zańnyń ishinde biz usynǵan mańyzdy túzetý bar. Ol resmi túrde kúshine enedi. Buryn zeinetaqy annýitetin alyp júrgen adam qaitys bolsa, onyń jinaǵan aqshasy artynda qalǵan otbasyna tolyq berilmeitin. Muragerleri ol aqshany tek ai saiyn, tiyn-tebendep, jyldarǵa sozylyp qana ala alatyn. Qalǵan búkil aqshasyn, birden alý zań júzinde múmkin emes edi. Endi biz bul erejeni ózgerttik. Otbasylarǵa tańdaý berdik. Eger zeinetaqy annýiteti boiynsha shotta aqsha qalsa, muragerler ony burynǵydai ai saiyn bólip alýdy jalǵastyra beredi nemese qalǵan barlyq somany bir-aq kúnde, birden tolyq alyp kete alady. Burynǵydai tek bir ǵana qatal shekteý joq, tańdaý – otbasynyń óz qolynda. Biz zeinetaqy annýiteti júiesin adamdarǵa yńǵaily ári ikemdi ettik", – dep jazdy Ashat Aimaǵambetov.
