Astananyń mádeni mekemeleri bir aptada 30-dan astam is-shara ótkizýdi josparlap otyr
11 jeltoqsan kúni keshki saǵat 17:00-de E.Rahmadiev atyndaǵy Memlekettik Akademiialyq filarmoniiasynyń sahnasynda «Ave MARIA» aspaptyq jáne vokaldyq, kameralyq mýzyka kontserti ótedi.
«Jastar» saraiynda 7 jeltoqsan kúni tańerteń «Iýra kezeńi» tsirk shoýy ótedi. 8 jáne 9 jeltoqsanda saǵat 20:00-de «Astana» estradalyq-simfoniialyq orkestriniń qatysýymen «2000 Hits» kontserttik baǵdarlamasy uiymdastyrylady. 10 jeltoqsanda sarai qabyrǵasynda «Bilep ómir súr» atty balalar horeografiialyq baiqaýy ótedi. Sol kúnniń erteńinde «Jastar» sahnasynda «Ranevskaia: skvoz smeh i slezy» spektakli kórsetiledi.
10 jáne 11 jeltoqsanda elordalyq tsirk aǵaiyndy Gertnerdi «DER ELEFANT» nemis tsirkiniń baǵdarlamasyna shaqyrady. Qoiylymnyń bastalýy saǵat 16:00-de.
Táýelsizdik kúnine orai «ALJIR» mýzei-memorialdyq kesheni Qazaqstannyń bostandyǵy men táýelsizdigi úshin kúreste zardap shekken adamdardy ońaltý jáne máńgilikke qaldyrý qorymen birlesip, 7 jeltoqsanda «Táýelsizdik – elimizdiń baǵa jetpes bailyǵy» taqyrybynda is-shara ótkizedi. 9 jeltoqsanda «Atameken» Qazaqstan Kartasy» etno-memorialdyq kesheni adam quqyqtary kúnine arnalǵan dáris uiymdastyrady.
Sáken Seifýllin murajaiynda 6-8 jeltoqsan kúnderi Ahmet Baitursynulynyń 150 jyldyǵyna arnalǵan «Ult ustazy – Ahmet Baitursynuly» kórmesi jumys isteitin bolady.
9-13 jeltoqsan aralyǵynda jazýshy Ázilhan Nurshaiyqtyń 100 jyldyǵyna arnalǵan «Ázilhan Nurshaiyqtyń álemi» kórmesin tamashalaýǵa bolady. Tarihi-mádeni mura eskertkishteri men nysandarynyń saqtalýyn qamtamasyz etý ortalyǵynda 8 jeltoqsanda «Tarihi-mádeni mura eskertkishterimen jáne obektilerimen jumys isteý jáne olardyń saqtalýyn baqylaý» dárisi oqylady.
7 jeltoqsan saǵat 11:00-de M. Gorkii atyndaǵy memlekettik akademiialyq orys drama teatry S.Lyginniń «Ai, da, Lenka!» ertegisin, al sol kúni keshke kórermender N.Gogoldiń «Gogol. Sankt-Peterbýrg» qoiylymyn kórsetedi.
10 jeltoqsan kúni tańerteń «Gorkii» ujymy jas astanalyqtardy M.Bartenevtiń «Snegýrýshka» ertegisine shaqyrady, al keshke saǵat 18:00-de R. Baerdiń «Aralas sezim» melodramasyn qoiady.
9-11 jeltoqsan aralyǵynda elordalyq qýyrshaq teatrynda G.H. Andersenniń ózine attas ertegisi negizinde A. Salaevanyń «Taǵy da kishkentai sý perisi týraly» qoiylymy kórsetiledi.
«Jastar» teatry bul aptany premeradan bastaidy: 7 jáne 8 jeltoqsan kúnderi keshke ártister D.Fo, A.Rahat jáne L.Egemberdievanyń «Muń» melodramasymen óner kórsetedi. 11 jeltoqsanda «Jastar» «Alǵashqa mahabbat» komediiasyn kórsetedi.
8 jeltoqsan kúni keshke jas kórermendi «Abai-Toǵjan» mýzykalyq dramasymen qýantady. Sol kúni keshke sahnada «Shanel №5» derekti dramasy kórsetiledi. 11 jeltoqsan kúni saǵat 12:00-de balalardy «Kún astyndaǵy Kúnekei qyz» ertegisine shaqyrady, saǵat 19:00-de kórermenderdi «Teatr álemi» kontserti kútedi.
8 jeltoqsan kúni saǵat 17:00-de Beibitshilik jáne kelisim saraiynda jyl saiynǵy «Jan Shýaq» qoǵamdyq syilyǵyn tapsyrý rásimi ótedi.
