11 جەلتوقسان كۇنى كەشكى ساعات 17:00-دە ە.راحمادييەۆ اتىنداعى مەملەكەتتىك اكادەميالىق فيلارمونياسىنىڭ ساحناسىندا «Ave MARIA» اسپاپتىق جانە ۆوكالدىق، كامەرالىق مۋزىكا كونسەرتى وتەدى.
«جاستار» سارايىندا 7 جەلتوقسان كۇنى تاڭەرتەڭ «يۋرا كەزەڭى» سيرك شوۋى وتەدى. 8 جانە 9 جەلتوقساندا ساعات 20:00-دە «استانا» ەسترادالىق-سيمفونيالىق وركەسترىنىڭ قاتىسۋىمەن «2000 Hits» كونسەرتتىك باعدارلاماسى ۇيىمداستىرىلادى. 10 جەلتوقساندا ساراي قابىرعاسىندا «بيلەپ ءومىر ءسۇر» اتتى بالالار حورەوگرافيالىق بايقاۋى وتەدى. سول كۇننىڭ ەرتەڭىندە «جاستار» ساحناسىندا «رانيەۆسكايا: سكۆوز سمەح ي سلەزى» سپەكتاكلى كورسەتىلەدى.
10 جانە 11 جەلتوقساندا ەلوردالىق سيرك اعايىندى گەرتنەردى «DER ELEFANT» نەمىس سيركىنىڭ باعدارلاماسىنا شاقىرادى. قويىلىمنىڭ باستالۋى ساعات 16:00-دە.
تاۋەلسىزدىك كۇنىنە وراي «الجير» مۋزەي-مەموريالدىق كەشەنى قازاقستاننىڭ بوستاندىعى مەن تاۋەلسىزدىگى ءۇشىن كۇرەستە زارداپ شەككەن ادامداردى وڭالتۋ جانە ماڭگىلىككە قالدىرۋ قورىمەن بىرلەسىپ، 7 جەلتوقساندا «تاۋەلسىزدىك – ەلىمىزدىڭ باعا جەتپەس بايلىعى» تاقىرىبىندا ءىس-شارا وتكىزەدى. 9 جەلتوقساندا «اتامەكەن» قازاقستان كارتاسى» ەتنو-مەموريالدىق كەشەنى ادام قۇقىقتارى كۇنىنە ارنالعان ءدارىس ۇيىمداستىرادى.
ساكەن سەيفۋللين مۇراجايىندا 6-8 جەلتوقسان كۇندەرى احمەت بايتۇرسىن ۇلىنىڭ 150 جىلدىعىنا ارنالعان «ۇلت ۇستازى – احمەت بايتۇرسىن ۇلى» كورمەسى جۇمىس ىستەيتىن بولادى.
9-13 جەلتوقسان ارالىعىندا جازۋشى ءازىلحان نۇرشايىقتىڭ 100 جىلدىعىنا ارنالعان «ءازىلحان نۇرشايىقتىڭ الەمى» كورمەسىن تاماشالاۋعا بولادى. تاريحي-مادەني مۇرا ەسكەرتكىشتەرى مەن نىساندارىنىڭ ساقتالۋىن قامتاماسىز ەتۋ ورتالىعىندا 8 جەلتوقساندا «تاريحي-مادەني مۇرا ەسكەرتكىشتەرىمەن جانە وبەكتىلەرىمەن جۇمىس ىستەۋ جانە ولاردىڭ ساقتالۋىن باقىلاۋ» ءدارىسى وقىلادى.
7 جەلتوقسان ساعات 11:00-دە م. گوركيي اتىنداعى مەملەكەتتىك اكادەميالىق ورىس دراما تەاترى س.لىگيننىڭ «اي، دا، لەنكا!» ەرتەگىسىن، ال سول كۇنى كەشكە كورەرمەندەر ن.گوگولدىڭ «گوگول. سانكت-پەتەربۋرگ» قويىلىمىن كورسەتەدى.
10 جەلتوقسان كۇنى تاڭەرتەڭ «گوركيي» ۇجىمى جاس استانالىقتاردى م.بارتەنيەۆتىڭ «سنەگۋرۋشكا» ەرتەگىسىنە شاقىرادى، ال كەشكە ساعات 18:00-دە ر. باەردىڭ «ارالاس سەزىم» مەلودراماسىن قويادى.
9-11 جەلتوقسان ارالىعىندا ەلوردالىق قۋىرشاق تەاترىندا گ.ح. اندەرسەننىڭ وزىنە اتتاس ەرتەگىسى نەگىزىندە ا. سالايەۆانىڭ «تاعى دا كىشكەنتاي سۋ پەرىسى تۋرالى» قويىلىمى كورسەتىلەدى.
«جاستار» تەاترى بۇل اپتانى پرەمەرادان باستايدى: 7 جانە 8 جەلتوقسان كۇندەرى كەشكە ارتىستەر د.فو، ا.راحات جانە ل.ەگەمبەردييەۆانىڭ «مۇڭ» مەلودراماسىمەن ونەر كورسەتەدى. 11 جەلتوقساندا «جاستار» «العاشقا ماحاببات» كومەدياسىن كورسەتەدى.
8 جەلتوقسان كۇنى كەشكە جاس كورەرمەندى «اباي-توعجان» مۋزىكالىق دراماسىمەن قۋانتادى. سول كۇنى كەشكە ساحنادا «شانەل №5» دەرەكتى دراماسى كورسەتىلەدى. 11 جەلتوقسان كۇنى ساعات 12:00-دە بالالاردى «كۇن استىنداعى كۇنەكەي قىز» ەرتەگىسىنە شاقىرادى، ساعات 19:00-دە كورەرمەندەردى «تەاتر الەمى» كونسەرتى كۇتەدى.
8 جەلتوقسان كۇنى ساعات 17:00-دە بەيبىتشىلىك جانە كەلىسىم سارايىندا جىل سايىنعى «جان شۋاق» قوعامدىق سىيلىعىن تاپسىرۋ ءراسىمى وتەدى.
