Bul týraly Aqordanyń baspasóz-qyzmeti habarlaıdy.
"Bul týraly talaı aıtqanmyn. Men aıtqyzyp otyr dep oılaıtyn shyǵarsyzdar. Nur, Nurly dep jazyp jatyr. Keshe Parlament astanany meniń atymmen ataýdy usyndy. Óz basym mundaı bastama kótergem joq jáne aıtqan da emespin.
Biz úlken is atqardyq. Biraq janymda sizder bolmasańyzdar, munyń bári istelmes edi. Ózim tańdaǵan áriptester úmitimdi aqtady. Qatelespedim. Biraq, bir adam eshnárse bitire almaıdy. Bárine alǵys aıtamyn, Parlament óz jumysyn atqardy. Óz basym tapsyrmany oryndaıtyn sizder barsyzdar dep sanaımyn. Sondyqtan tabys tileımin! Bir adam eshnárse bitire almaıdy. Barlyqtaryńyzǵa jáne Parlamentke elimizdiń damý satylaryn nazarǵa alǵan Deklarasıa úshin rahmet. Meniń ornymdy aıshyqtadyńyzdar. Árıne, bul maǵan jaǵady. Parlament bıliktiń táýelsiz butaǵy. Olar sheshim qabyldaýǵa, óz pikirin bildirýge quqy bar. Kez-kelgen eldi-mekenniń atyn ózgertý máselesin biz baıyppen talqylaıtyn bolamyz. Bul memleketke, elge qajet pe qarastyramyz", - dedi Nazarbaev.
"Bul máseleniń syrtqy jaǵy. Saýaldyń naqty ishki dúnıelerimen aınalysý kerek" dedi Memleket basshysy.
Budan buryn depýtat Qýanysh Sultanov Astanaǵa Elbasynyń esimin berýdi usynǵan edi.
https://www.youtube.com/watch?v=VHvNvQhcLBY&feature=youtu.be
