Astanalyq jeke sot oryndaýshylary óndirip alynǵan qarjyny qumar oiyndarǵa jumsaǵan. Bul týraly qala prokýratýrasynyń baspasóz qyzmeti málimdedi, dep habarlaidy Dalanews.kz.
"Qalalyq prokýratýra eki jeke sot oryndaýshysynyń ákimshilik aiyppuldardy óteýge arnalǵan qarajatty jymqyrǵanyn anyqtady. Eki jyl boiy olar sot aktilerin oryndap, memlekettik qazynaǵa qarjy aýdarýdyń ornyna óz ókilettikterin asyra paidalanyp, aqshany jeke maqsattaryna, sonyń ishinde qumar oiyndarǵa jumsaǵan", – delingen seisenbi kúni taratylǵan habarlamada.
Sondai-aq jeke jáne zańdy tulǵalardyń qarajattary da osylaisha jymqyrylǵany atap ótildi.
"Jalpy zalal kólemi 26 million teńgeden asty. Sot oryndaýshylaryna qatysty sotqa deiingi tergeý bastalyp, shyǵyn tolyq óteldi. Tergeý nátijesinde ýákiletti organ olardy litsenziiasynan aiyrý boiynsha shara qabyldaidy. Sonymen qatar mundai qylmystyq quqyqbuzýshylyqtardyń aldyn alý úshin bereshek somalaryn tikelei óndirip alýshylarǵa aýdarý jáne atqarýshylyq sanktsiiany esepteý úshin jasandy intellektti qoldaný usynyldy", – delingen habarlamada.
