Astanada ótken máslihat otyrysynda qalalyq máslihattyń biýdjet jáne ekonomika máseleleri jónindegi komissiiasyn basqaratyn Kendebai Adambek memlekettik tilge qatysty ustanymyn bildirdi, dep habarlaidy Dalanews.kz.
Ol jiyn barysynda baiandamashylardyń esepterin qazaq tilinde usynýyn talap etip, memlekettik til resmi otyrystarda negizgi til bolýy qajet ekenin atap ótti.
"99,9 paiyz óz ultymyz otyr. Birinshiden, memlekettik tildiń ústemdigi. Baiandaisyzdar ma, memlekettik tilde baiandańyzdar. Táýelsiz memleket bolǵanymyzǵa 34 jyl boldy ǵoi. Baiaǵyda keńes úkimeti 20 jylda qazaqty orysshaǵa sóiletip tastady", – deidi Kendebai Adambek.
