Elimizge aýqymdy is-sharaǵa qatysý úshin Eýropa, Taıaý Shyǵys, Kavkaz, Ortalyq jáne Ońtústik-SHyǵys Azıanyń 25 elinen delegattar, bıznes ókilderi, mınıstrlikter men halyqaralyq uıymdardyń basshylary keldi. Sonymen qatar Astanaǵa EEK, Túrkıa, Ózbekstan, Tájikstan jáne Qyrǵyzstan kólik mınıstrleri men Ázirbaıjan, Bolgarıa, Grýzıa jáne Latvıa mınıstrlikteri basshylarynyń orynbasarlary keldi. İs-sharalardyń resmı ashylý rásimine Qazaqstan Respýblıkasynyń Kólik mınıstri Marat Qarabaev qatysty.
«Uıymdastyrylyp otyrǵan kórme men forým jumysy Eýrazıa qurlyǵynyń kólik-kommýnıkasıalyq keshenin damytý perspektıvalaryna arnalǵan. Atalǵan is-sharalar ózekti máselelerdi talqylaý jáne olardy sheshýdiń praktıkalyq joldaryn izdeý, sondaı-aq memlekettik qurylymdar men bıznes ókilderiniń dıalogy úshin eń tıimdi alań bolyp sanaldy. Sondaı-aq kólik salasyn damytý salasyndaǵy mańyzdy máselelerdi talqylaýǵa jáne qazirgi ekonomıkalyq jaǵdaıda odan ári tıimdi damý joldaryn belgileýge múmkindik beredi», - dedi Qazaqstan Respýblıkasynyń kólik mınıstri.
Marat Qarabaev Qazaqstan materıktiń mańyzdy kólik jelileriniń torabynda ornalasyp, Azıa men Eýropa arasyndaǵy senimdi seriktes jáne tranzıttik kópir ekenin eske saldy.
Ol sondaı-aq «Kólik jáne logıstıka» kórmesi is-sharaǵa qatysýshylar men qonaqtardyń uzaq merzimdi jáne ózara tıimdi seriktestik qatynastaryn nyǵaıtý úshin paıdaly bolatynyna senim bildirdi. Esterińizge sala keteıik, qazaqstandyq kólik aptalyǵy aıasynda alýan túrli iskerlik baǵdarlama josparlanǵan.
Baǵdarlama barysynda New Silk Way VI Halyqaralyq kólik-logıstıkalyq bıznes-forýmy jáne «Qazaqstandaǵy qoıma logıstıkasy naryǵy», «Kaspıı teńizindegi porttardy, termınaldardy jáne keme qatynasyn damytý» jáne «Kólik jáne logıstıka naryǵy» konferensıalaryn ótkizý kózdelip otyr.
Bıznes-forýmda sarapshylar men qatysýshylar kólik júıeleriniń yntymaqtastyǵy men ıntegrasıasy, orta dáliz baǵytyn damytý, sondaı-aq mýltımodaldy tasymaldaý salasyndaǵy jańa tehnologıalar men ınovasıalar, júkterdi tasymaldaý tıimdiligin arttyrý jáne jetkizý jaǵdaılaryn jaqsartý máselelerin talqylaıdy.
İskerlik baǵdarlamadan basqa salalyq mınıstrlikter, vedomstvolar, qaýymdastyqtar men halyqaralyq kompanıalar basshylyǵynyń qatysýymen ekijaqty kezdesýler men kelissózder josparlanǵan.
QR Kólik mınıstrliginiń baspasóz qyzmeti
