Astanaǵa 400 tonna aýyl sharýashylyǵy ónimi jóneltildi: 8 tamyz 2018

Astanaǵa 400 tonna aýyl sharýashylyǵy ónimi jóneltildi

Dalanews 8 tamyz, 2018

Astana qalasynyń 20 jyldyq merekesine orai, Túrkistan oblysy taýaróndirýshileriniń aýyl sharýashylyǵy ónimderi bas qala – Astanaǵa jóneltildi.

Tamyz aiynyń 11-12 kúnderi uiymdastyrylatyn jármeńkede 35-ten astam aýyl sharýashylyǵy ónimderiniń kólemi 411 tonna.

Tarqatyp aitsaq, 400 tonnadan astam ónimniń ishinde 66 tonnasy et jáne et ónimderi, 137 tonnasy kókónis, 27 tonnasy sút ónimderi, 39 tonna jemis-jidek, 20 tonna kartop, 5 myń dana, 5 tonna balyq, 4 tonna bal (ásel), 5 tonna keptirilgen jemis, 4 tonna túrli konserviler jáne 28 tonna basqa da ónimder. Jalpy quny 101 mln. teńgeni quraityn ónimder elorda tórinde naryq baǵasynan 15-20 paiyzǵa arzan saýdalanbaq.

Uiymdastyrýshylardyń uiǵarymy boiynsha otandyq ónimderimiz qala turǵyndary men qonaqtaryna jármeńke arqyly usynylady. Túrkistan oblysy Astana qalasynyń 20 jyldyq merekesi aiasynda 5 ret jármeńke ótkizedi josparlanǵan-dy. Bul sapar sonyń 3-tolqyny deýge bolady.

Jalpy, Astanada uiymdastyrylyp jatqan aýyl sharýashylyǵy ónimderiniń bes jármeńkesinde túrkistandyq sharýalar 14753 tonnany quraityn aýyl sharýashylyǵy ónimderin jóneltetin bolady. Osy maqsatta oblystan 35 iri jáne qosalqy sharýa qojalyqtary men kásiporyndary iriktelip, daiyndyq jumystary kúsheitilýde.

Túrkistan oblysy ákiminiń baspasóz qyzmeti

Astanaǵa 400 tonna aýyl sharýashylyǵy ónimi jóneltildi

Oqi otyryńyz

Aqniet pen Bórte: Toqaev Aqalteke qulyndaryna at berdi

Tursynbek Qabatov pen Móldir Muqannyń videosy jelide talqylanyp jatyr

Másimovtiń burynǵy kúieý balasy Reseide syrttai qamaýǵa alyndy