تامىز ايىنىڭ 11-12 كۇندەرى ۇيىمداستىرىلاتىن جارمەڭكەدە 35-تەن استام اۋىل شارۋاشىلىعى ونىمدەرىنىڭ كولەمى 411 توننا.
تارقاتىپ ايتساق، 400 توننادان استام ءونىمنىڭ ىشىندە 66 تونناسى ەت جانە ەت ونىمدەرى، 137 تونناسى كوكونىس، 27 تونناسى ءسۇت ونىمدەرى، 39 توننا جەمىس-جيدەك، 20 توننا كارتوپ، 5 مىڭ دانا، 5 توننا بالىق، 4 توننا بال (اسەل)، 5 توننا كەپتىرىلگەن جەمىس، 4 توننا ءتۇرلى كونسەرۆىلەر جانە 28 توننا باسقا دا ونىمدەر. جالپى قۇنى 101 ملن. تەڭگەنى قۇرايتىن ونىمدەر ەلوردا تورىندە نارىق باعاسىنان 15-20 پايىزعا ارزان ساۋدالانباق.
ۇيىمداستىرۋشىلاردىڭ ۇيعارىمى بويىنشا وتاندىق ونىمدەرىمىز قالا تۇرعىندارى مەن قوناقتارىنا جارمەڭكە ارقىلى ۇسىنىلادى. تۇركىستان وبلىسى استانا قالاسىنىڭ 20 جىلدىق مەرەكەسى اياسىندا 5 رەت جارمەڭكە وتكىزەدى جوسپارلانعان-دى. بۇل ساپار سونىڭ 3-تولقىنى دەۋگە بولادى.
جالپى، استانادا ۇيىمداستىرىلىپ جاتقان اۋىل شارۋاشىلىعى ونىمدەرىنىڭ بەس جارمەڭكەسىندە تۇركىستاندىق شارۋالار 14753 توننانى قۇرايتىن اۋىل شارۋاشىلىعى ونىمدەرىن جونەلتەتىن بولادى. وسى ماقساتتا وبلىستان 35 ءىرى جانە قوسالقى شارۋا قوجالىقتارى مەن كاسىپورىندارى ىرىكتەلىپ، دايىندىق جۇمىستارى كۇشەيتىلۋدە.
تۇركىستان وبلىسى اكىمىنىڭ باسپا ءسوز قىزمەتى
