Astanadaǵy mektepterdiń birinde gaz ballonyn shashqan kámeletke tolmaǵandar anyqtaldy, dep habarlaidy Dalanews.kz.
Polisia.kz málimetine sáikes, joǵary synyp oqýshysy buryn osy bilim ornynda oqyǵan qyzben birge buzaqylyq nietpen synyptardyń birine gaz ballonyn shashqan. Oqiǵa kezinde synyptaǵy oqýshylardyń ómiri men densaýlyǵyna qaýip tónbegen.
Politsiia qyzmetkerleri oqiǵaǵa qatysy bar jasóspirimderdiń jeke basyn anyqtap, olardyń áreketterine quqyqtyq baǵa berdi. Belgili bolǵandai, gaz ballonyn shashqan jasóspirim buǵan deiin birneshe márte úiinen sebepsiz ketý deregi boiynsha profilaktikalyq esepte turǵan.
Oqiǵadan keiin bilim berý mekemesinde profilaktikalyq jumystar júrgizilip, jasóspirimdermen jáne olardyń zańdy ókilderimen túsindirý áńgimeleri uiymdastyryldy.
Is materialdary qosymsha sharalar qabyldaý úshin kámeletke tolmaǵandardyń isteri jónindegi komissiiaǵa joldandy. Sonymen qatar ata-analar balalarynyń buzaqylyǵy men tárbieleý mindetterin tiisinshe oryndamaǵany úshin jaýapkershilikke tartyldy.
Politsiia mundai áreketterdiń jai erkelik emes ekenin atap ótti. Quqyq qorǵaý organdarynyń málimetinshe, bul – ainaladaǵylarǵa qaýip tóndiretin qasaqana áreket jáne oǵan mindetti túrde quqyqtyq baǵa beriledi.
