Astanadaǵy liftidegi oqiǵa: ministr jańa derekterdi aitty
Сағыныш Сардарова
Densaýlyq saqtaý ministri Aqmaral Álnazarova Astanada liftide balaǵa pyshaq jaraqatyn salǵan jasóspirimge qatysty is boiynsha tekseris qorytyndysyn jariialady, dep habarlaidy Dalanews.kz.
Ministrdiń aitýynsha, jasóspirimniń anasy ulyna durys qaralmaǵany jóninde shaǵym túsirgenimen, bul málimetter rastalmaǵan.
"Sot-meditsinalyq saraptama júrgizildi. Bala osyndai jaǵdaida, oǵan qosa diagnozy óte kúrdeli", - dedi Álnazarova sársenbide Májilis dálizinde.
Qazir jasóspirim sot sheshimimen statsionarlyq em qabyldap jatyr.
Aita keteiik, buǵan deiin sanitarlar jasóspirimge dene jaraqatyn saldy dep aiyptaldy. Áleýmettik jelilerde jasóspirimniń anasynyń politsiiaǵa júgingeni týraly aqparat ta taraǵan bolatyn. Onyń aitýynsha, ulyna sanitarlar tarapynan dene jaraqaty salynǵan.
Keiin bul aqparatqa bailanysty politsiia tekseris bastalǵanyn rastady.
Liftidegi oqiǵa týraly ne belgili?
2025 jyly 11 aqpanda Astanada 14 jastaǵy jasóspirim liftide 5 jasar balaǵa pyshaqpen shabýyl jasady. Oqiǵany tergeý kezinde kámelet jasyna tolmaǵan jasóspirim psihonevrologiialyq dispanserde esepte turǵany anyqtalǵan.
Astana Politsiia departamenti bastyǵynyń orynbasary Qýanysh Orynbetovtiń aitýynsha, balaǵa jasalǵan shabýyl boiynsha qylmystyq is qozǵalǵan.
Resmi málimetke súiensek, Qylmystyq kodekstiń 293-babynyń 3-bóligi «Densaýlyqqa ziian keltirý úshin arnaiy laiyqtalǵan basqa da zattardy qoldanyp nemese qoldanýǵa tyrysyp jasalǵan, sol siiaqty qylmystyq top jasaǵan buzaqylyq» boiynsha sotaldy tergep-tekserý bastalǵan.
Bul baptyń sanktsiiasy bes jyldan jeti jylǵa deiingi merzimge bas bostandyǵynan aiyrý jazasyn qarastyrady.
Al qalalyq densaýlyq saqtaý basqarmasynyń málimetinshe, zardap shekken bala bes jasta. Dárigerler alǵashynda onyń jalpy jaǵdaiyn aýyr dep baǵalady. Al otadan keiin balanyń jaǵdaiy turaqty ekeni aityldy.
