Astanadaǵy avtobýs apatynda aıaǵynan aıyrylǵan qyz aýrýhanadan shyǵaryldy, - dep habarlaıdy Dalanews.kz.
Densaýlyq saqtaý vıse-mınıstri Tımýr Muratovtyń sózinshe, búgin bala aýrýhanadan shyǵarylǵan.
Bala Aqmola oblysy Egindikól aýdanyndaǵy medısınalyq mekemede odan ári em alady, sebebi osy jaqqa tirkelgen. Tımýr Muratovtyń sózinshe, jergilikti emhana jeke ońaltý baǵdarlamasyn ázirleýmen aınalysyp jatyr.
"Ókinishke qaraı, aıaǵyn kesý kerek bolǵanyn bári biledi. Munyń bári ómirin qutqarý úshin jasaldy. Otadan keıingi jaralary emdelgennen keıin balany ońaltýmen aınalysamyz", - dedi ol.
Eske sala keteıik, 2 maýsymda elordada jolaýshylar avtobýsy apatqa ushyrap, birneshe adam jaraqat alǵan bolatyn. Alýa – sol apattyń eń aýyr zardap shekken jolaýshylarynyń biri.
Buǵan deıin bala quqyqtary jónindegi ýákil Dınara Zakıeva bul otbasynyń jaǵdaıy Astana qalasynyń ákimi Jeńis Qasymbektiń tikeleı baqylaýynda ekenin málimdedi.
