Tarıh páninen dáris beretin bir ustaz óz mektebine Alash arysy Ahmet Baıtursynulynyń esimin berý týraly usynys jasaǵysy keletinin aıtty. Mundaı utymdy usynystyń ulttyq minezdi mektep muǵaliminiń júreginen shyqqanyn estip, marqaıyp qaldyq.
Taǵy bir ultshyl muǵalim Almatydaǵy M. Maqataev atyndaǵy mektepten aýysyp kelgen oqýshynyń jyr jampozynyń esimin zor maqtanyshpen aıtatynyn mysalǵa keltirdi. Qalalyq bilim basqarmasynyń qyzmetkeri, qaıratker-ustaz Daıra Kaınemqyzy bas qaladaǵy 84 mekteptiń jeteýi ǵana ulttyq tulǵalar esimin ıelengenin málim etti.
Astanadaǵy kóp mektepter №38, 56, 72 degen nómirlermen atalatynyna kózimiz jetti. Sanany otarsyzdandyrýdy osy jerden bastaǵan jón. Tarıhı ádildikke júginsek, azattyǵymyzdyń bastaýynda turǵan Alash arystarynyń esimderin osy mektepterge nege bermeımiz?
Jas urpaqty táýelsiz sanamen ósirip-tárbıeleımiz desek, osy isti búginnen bastap qolǵa alý qajet. Ustazdar mektep oqýlyǵynda tam-tumdap qana jazylǵan Jeltoqsan ult-azattyq kóterilisi taqyrybyna erekshe qyzyǵýshylyq tanytty. Sondaı-aq, «bilim uıasynda» oqyp júrgen talantty, qabiletti oqýshylardy ulttyq jýrnalısıkaǵa, ádebıetke baýlý, talantty ul-qyzdardyń baǵyn ashý týraly da tushymdy oılar aıtyldy.
Alash qaıratkerlerin ardaqtasaq, jas urpaqtyń ulttyq sanasy qalyptasady. Al óziniń ata tarıhyn bilgen eldiń balasy sanaly, óreli, otanshyl, ultshyl bolyp ósedi. Endeshe, bizde ulttyq minezdi, ulttyq rýhty ustazdar kóbeıe bersin!
Tólen Tileýbaı, jýrnalıs.
(jazba avtordyń “Feısbýktaǵy” paraqshasynan alyndy)
