Jýrnalist ári quqyq qorǵaýshy Luqpan Ahmediiarov Astanada belgisiz bireýler onyń kóligine boiaý shashyp ketkenin málimdedi, dep habarlaidy dalanews.kz.
Luqpan Ahmediiarovtyń áleýmettik jelidegi jazbasyna súiensek, oqiǵa bolǵan jerdegi mekeme ákimshiligi beinebaqylaý jazbalaryn politsiia qyzmetkerlerine ǵana beretinin aitqan.
«Politsiiaǵa habarlastym. Olar bólimshege ózim baryp, aryz jazýymdy talap etti. Oqiǵa ornyna politsiia jasaǵyn jiberýden bas tartty», – dep jazdy jýrnalist.
Jýrnalist jariialaǵan fotosýretterde onyń kóligine boiaý quiylǵany kórinedi. Sondai-aq ol kólik turǵan aýmaqta úsh beinebaqylaý kamerasy ornatylǵanyn atap ótti.
Oqiǵa týraly «Quqyqtyq media ortalyǵy» qoǵamdyq qory men «Ádil sóz» sóz bostandyǵyn qorǵaý halyqaralyq qory da habarlaǵan.
Oqiǵanyń mán-jaiy anyqtalyp jatyr.
