Elordada úidiń kirpish qaptamasy opyrylyp, osynyń saldarynan zardap shekken bes adam áli de aýrýhanada. Ekeýiniń háli nashar, dep habarlaidy Dalanews.kz "Jetinshi arnaǵa" siltep.
Qazir aq halattylar tórt naýqastan bólek 23 jastaǵy feldsherdiń ómiri úshin arpalysyp jatyr.
Astana ákimdigi málimetinshe, dál qazir 1030 úi apat jaǵdaiynda. Al apat bolǵan úiden buǵan deiin inspektsiiaǵa shaǵym túspepti.
"Astana qalasynyń turǵyn úi jáne turǵyn úi inspektsiiasy basqarmasyna Táýelsizdik 24b meken-jaiyndaǵy úidiń qasbeti boiynsha eshqandai shaǵym túsken joq. Jańǵyrtý máseleleri boiynsha da ótinish túspedi", - deidi Astana ákimdigi ókili.
Eske salaiyq, buǵan deiin ministrlik Astanada zardap shekken feldsherge bailanysty málimdeme jasady.
