Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Astanada úsh aýysymdy mektep máselesi qalai sheshiledi?

Dalanews
Astanada úsh aýysymdy mektep máselesi qalai sheshiledi?
Elordada mektep jasyndaǵy 259 myń bala turady. Onyń 27 myńy biyl 1 synypqa bardy. Ótken jylmen salystyrǵanda biyl bala sany 22 myńǵa artty. Al úsh aýysymdy mektepterdiń máselesi qalai sheshilmek? Astanadaǵy Kommýnikatsiialar qyzmetinde ótken brifingte qala ákiminiń orynbasary Eset Baiken túsindirip berdi, dep habarlaidy elorda ákimdiginiń resmi saity.

Onyń aitýynsha qazir qalada úsh aýysymdy jáne shamadan tys júktemesi bar mektepterdiń máselesin sheshý jumysy júrip jatyr.

«Úsh aýysymdy jáne bala sany shamadan tys mektepterdiń sanyn azaitý maqsatynda qazirgi ýaqytta qalada 14 mekteptiń qurylysy júrip jatyr, onyń ishinde 11 mektep biylǵy oqý jylynda paidalanýǵa beriledi. Oqý jylynyń basynda 4 mektep (1 mektep, 1 mekteptiń janynan salynǵan jańa korpýs, 2 jekemenshik mektep) paidalanýǵa berildi.

Atap aitsaq, ózekti máselelerdiń biri bolǵan –  sońǵy bes jylda 3 aýysymda oqyp kelgen №59 mektep-litseidiń máselesi tolyǵymen sheshildi. Mektep janynan 1200 oqýshy ornyna arnalǵan jańa korpýs paidalanýǵa berildi.

Sonymen qatar, biyl eki aýysymda 2400 oqýshy ornyna arnalǵan №96 mektep-gimnaziiasy ashylyp paidalanýǵa berildi. Bul №85 mektep-litseiiniń úshaýsymdyq máselesin sheshti», - deidi Eset Baiken.

Memleket basshysynyń tapsyrmasymen elordada «Jaily mektep» ulttyq jobasy júzege asyrylyp jatyr. Osy baǵdarlama boiynsha 2024-2025 jyldar aralyǵynda 90 myń oryndyq (eki aýysymdy) 24 mektep salynady. 24 mekteptiń 15-si qarqyndy damyp kele jatqan Nura men Esil aýdandarynda salynady. Osylaisha, qaladaǵy úsh aýysymda oqytatyn jáne bala sany shamadan tys mektepterdiń máselesi tolyq sheshimin tappaq.
Madina Sádýaqasova

Oqi otyryńyz