ونىڭ ايتۋىنشا ءقازىر قالادا ءۇش اۋىسىمدى جانە شامادان تىس جۇكتەمەسى بار مەكتەپتەردىڭ ماسەلەسىن شەشۋ جۇمىسى ءجۇرىپ جاتىر.
«ءۇش اۋىسىمدى جانە بالا سانى شامادان تىس مەكتەپتەردىڭ سانىن ازايتۋ ماقساتىندا قازىرگى ۋاقىتتا قالادا 14 مەكتەپتىڭ قۇرىلىسى ءجۇرىپ جاتىر، ونىڭ ىشىندە 11 مەكتەپ بيىلعى وقۋ جىلىندا پايدالانۋعا بەرىلەدى. وقۋ جىلىنىڭ باسىندا 4 مەكتەپ (1 مەكتەپ، 1 مەكتەپتىڭ جانىنان سالىنعان جاڭا كورپۋس، 2 جەكەمەنشىك مەكتەپ) پايدالانۋعا بەرىلدى.
اتاپ ايتساق، وزەكتى ماسەلەلەردىڭ ءبىرى بولعان – سوڭعى بەس جىلدا 3 اۋىسىمدا وقىپ كەلگەن №59 مەكتەپ-ليسەيدىڭ ماسەلەسى تولىعىمەن شەشىلدى. مەكتەپ جانىنان 1200 وقۋشى ورنىنا ارنالعان جاڭا كورپۋس پايدالانۋعا بەرىلدى.
سونىمەن قاتار، بيىل ەكى اۋىسىمدا 2400 وقۋشى ورنىنا ارنالعان №96 مەكتەپ-گيمنازياسى اشىلىپ پايدالانۋعا بەرىلدى. بۇل №85 مەكتەپ-ليسەيىنىڭ ءۇشاۋسىمدىق ماسەلەسىن شەشتى»، - دەيدى ەسەت بايكەن.
مەملەكەت باسشىسىنىڭ تاپسىرماسىمەن ەلوردادا «جايلى مەكتەپ» ۇلتتىق جوباسى جۇزەگە اسىرىلىپ جاتىر. وسى باعدارلاما بويىنشا 2024-2025 جىلدار ارالىعىندا 90 مىڭ ورىندىق (ەكى اۋىسىمدى) 24 مەكتەپ سالىنادى. 24 مەكتەپتىڭ 15ء-سى قارقىندى دامىپ كەلە جاتقان نۇرا مەن ەسىل اۋداندارىندا سالىنادى. وسىلايشا، قالاداعى ءۇش اۋىسىمدا وقىتاتىن جانە بالا سانى شامادان تىس مەكتەپتەردىڭ ماسەلەسى تولىق شەشىمىن تاپپاق.
