Astanada júzdegen azamat zańsyz úlestik qurylysqa aqsha quiyp, zardap shekti. Kúdiktiler 4,6 mlrd teńgeni maqsatsyz jumsaǵan. Bul týraly Bas prokýratýranyń baspasóz qyzmeti málimdedi, dep habarlaidy Dalanews.kz.
Prokýratýra málimetinshe, kúdiktiler toby úsh turǵyn úi keshenin salýǵa ýáde berip, azamattardan 4,6 milliard teńge kóleminde qarajat jinaǵan. Alaida olardyń úleskerlerdiń aqshasyn tartýǵa ruqsaty bolmaǵan. Soǵan qaramastan, qurylys bastalmaǵan, al jinalǵan qarajat basqa maqsattarǵa jumsalǵan.
Nátijesinde 400-den astam otbasy zardap shekken. Is Nur-Sultan qalasynyń prokýratýrasy úilestirgen tergeýden keiin sotqa joldandy.
