Астанада жүздеген азамат заңсыз үлестік құрылысқа ақша құйып, зардап шекті. Күдіктілер 4,6 млрд теңгені мақсатсыз жұмсаған. Бұл туралы Бас прокуратураның баспасөз қызметі мәлімдеді, деп хабарлайды Dalanews.kz.
Прокуратура мәліметінше, күдіктілер тобы үш тұрғын үй кешенін салуға уәде беріп, азаматтардан 4,6 миллиард теңге көлемінде қаражат жинаған. Алайда олардың үлескерлердің ақшасын тартуға рұқсаты болмаған. Соған қарамастан, құрылыс басталмаған, ал жиналған қаражат басқа мақсаттарға жұмсалған.
Нәтижесінде 400-ден астам отбасы зардап шеккен. Іс Нұр-Сұлтан қаласының прокуратурасы үйлестірген тергеуден кейін сотқа жолданды.
