Qazaqstannyń mádeniet, óner jáne baq salasynda tanymal qairatkerler men Qazaqstandaǵy diplomatiialyq korpýs ókilderi túrik tańǵy asynda bas qosty.
IýNESKO tarapynan jariialaǵan jáne jyl saiyn maýsymnyń birinshi jeksenbisinde atap ótiletin Dúniejúzilik tańǵy as kúnine orailastyrylǵan «Túrik tańǵy asy» atty is-shara Astanada ótti.
Túrkiianyń Astanadaǵy Tótenshe jáne ókiletti elshisi Mustafa Kapýdjý men onyń jubaiy Ahý Kapýdjý uiymdastyrǵan atalǵan is-sharaǵa Qazaqstannyń belgili mádeniet, óner, baq qairatkerleri, sondai-aq dipkorpýs ókilderi qatysty.
Is-shara aiasynda dástúrli túrik tańǵy asymen qatar Túrkiianyń Rize provintsiiasynan arnaiy ákelingen túrik shaiy da usynyldy. «Lazika» shai kompaniiasynyń satý jónindegi úilestirýshisi Serai Sary túrik shaiynyń tarihy men daiyndalý tásilderine arnalǵan prezentatsiia usyndy.
Elshi M.Kapýdjý «Dúniejúzilik tańǵy as kúni» alǵash ret Van aimaǵynda (Túrkiia) atap ótile bastaǵanyn aityp, sondai-aq tańǵy astyń mádeni mańyzdylyǵyn atap ótý áreketi qazir jahandyq is-sharaǵa ainalǵanyn atap ótti.
Túrik mádenietinde tańǵy as erekshe oryn alatynyn atap ótken Elshi Kapýdjý, «túrik tańǵy as jái ǵana tamaqtaný ǵana emes, bul otbasylar men dostardy biriktiretin qundy dástúr» dedi.
