Shyǵys Qazaqstan oblysynda 15 keli altyndy zańsyz óndirgen qylmystyq topqa qatysty sot úkimi shyqty, dep habarlaidy dalanews.kz.
Bas prokýratýranyń málimetinshe, Óskemen qalasynyń qylmystyq ister jónindegi mamandandyrylǵan aýdanaralyq soty aiyptalýshylardy asa iri kólemde baǵaly metaldardy zańsyz óndirgeni úshin kináli dep tanyp, ártúrli merzimge bas bostandyǵynan aiyrý jazasyn taǵaiyndady.
Tergeý barysynda 2024-2025 jyldary Shyǵys Qazaqstan oblysynyń turǵyndary Qytai azamattarymen birlesip, Ulan aýdanynda zańsyz altyn óndirgeni anyqtalǵan.
Zańsyz qyzmet 2025 jyldyń maýsymynda Úlken jáne Kishi Shybyndy ózenderiniń ańǵarynda toqtatylǵan. Arnaiy operatsiia kezinde shetel azamattary ustalyp, olardan arnaiy tehnika, óndiristik jabdyqtar, quramynda altyny bar ken jáne aqsha tárkilengen.
Prokýratýranyń málimetinshe, zańsyz ken óndirý saldarynan memleketke 766 mln teńge kóleminde zalal keltirilgen. Sonymen qatar orman qorynyń jerine de ziian kelgen.
Tergeý deregine sáikes, qylmystyq top 15 keli altyndy zańsyz óndirgen.
Úkim ázirge zańdy kúshine engen joq.
