استانادا «تۇرىكتىڭ تاڭعى اس كۇنى» اتاپ ءوتىلدى

Dalanews 06 ماۋ. 2024 22:00 1704

قازاقستاننىڭ مادەنيەت، ونەر جانە ب ا ق سالاسىندا تانىمال قايراتكەرلەر مەن قازاقستانداعى ديپلوماتيالىق كورپۋس وكىلدەرى تۇرىك تاڭعى اسىندا باس قوستى.

يۋنەسكو تاراپىنان جاريالاعان جانە جىل سايىن ماۋسىمنىڭ ءبىرىنشى جەكسەنبىسىندە اتاپ وتىلەتىن دۇنيەجۇزىلىك تاڭعى اس كۇنىنە ورايلاستىرىلعان «تۇرىك تاڭعى اسى» اتتى ءىس-شارا استانادا ءوتتى.

تۇركيانىڭ استاناداعى توتەنشە جانە وكىلەتتى ەلشىسى مۇستافا كاپۋدجۋ مەن ونىڭ جۇبايى احۋ كاپۋدجۋ ۇيىمداستىرعان اتالعان ءىس-شاراعا قازاقستاننىڭ بەلگىلى مادەنيەت، ونەر، ب ا ق قايراتكەرلەرى، سونداي-اق ديپكورپۋس وكىلدەرى قاتىستى.

ءىس-شارا اياسىندا ءداستۇرلى تۇرىك تاڭعى اسىمەن قاتار تۇركيانىڭ ريزە پروۆينسياسىنان ارنايى اكەلىنگەن تۇرىك شايى دا ۇسىنىلدى. «لازيكا» شاي كومپانياسىنىڭ ساتۋ جونىندەگى ۇيلەستىرۋشىسى سەراي سارى تۇرىك شايىنىڭ تاريحى مەن دايىندالۋ تاسىلدەرىنە ارنالعان پرەزەنتاسيا ۇسىندى.

ەلشى م.كاپۋدجۋ «دۇنيەجۇزىلىك تاڭعى اس كۇنى» العاش رەت ۆان ايماعىندا (تۇركيا) اتاپ وتىلە باستاعانىن ايتىپ، سونداي-اق تاڭعى استىڭ مادەني ماڭىزدىلىعىن اتاپ ءوتۋ ارەكەتى ءقازىر جاھاندىق ءىس-شاراعا اينالعانىن اتاپ ءوتتى.

تۇرىك مادەنيەتىندە تاڭعى اس ەرەكشە ورىن الاتىنىن اتاپ وتكەن ەلشى كاپۋدجۋ، «تۇرىك تاڭعى اس ءجاي عانا تاماقتانۋ عانا ەمەس، بۇل وتباسىلار مەن دوستاردى بىرىكتىرەتىن قۇندى ءداستۇر» دەدى.


ۇسىنىلعان
سوڭعى جاڭالىقتار