Qostanaida ǵimarat shatyrynan qulaǵan muzdan búlingen kólik iesiniń paidasyna sot 2 mln teńge kóleminde ótemaqy óndird, dep habarlaidy dalanews.kz.
Qostanai qalalyq sotynyń málimetinshe, oqiǵa 2026 jyldyń naýryzynda Abai dańǵylyndaǵy ǵimarattardyń biriniń janynda bolǵan. Turaqta turǵan avtokóliktiń ústine shatyrdan qar men muz qulap, kólikke mehanikalyq zaqym kelgen.
Táýelsiz saraptamaǵa sáikes, avtokólikti qalpyna keltirý quny 1,8 mln teńgeden, al taýarlyq qunynyń tómendeýi 180 myń teńgeden asqan.
Sot barysynda ǵimarat iesi shatyrdan muz qulaýy múmkin ekenin eskertetin habarlandyrýlar ilingenin alǵa tartqan. Alaida sot usynylǵan fotosýretterdiń qashan túsirilgenin anyqtaý múmkin bolmaǵanyn, al oqiǵadan keiin túsirilgen beinejazbada eshqandai eskertý belgileri bolmaǵanyn anyqtady.
Sot ǵimarat iesi shatyrdy qar men muzdan ýaqytyly tazartý jáne azamattardyń qaýipsizdigin qamtamasyz etý mindetin oryndamaǵan degen qorytyndyǵa kelip, talap aryzdy qanaǵattandyrdy.
Sheshimge sáikes, jeke kásipkerden talapkerdiń paidasyna 2 mln teńge kóleminde materialdyq shyǵyn óndirildi.
Sot sheshimi zańdy kúshine engen joq.
