Biyl Astanada turǵylyqty jeri boiynsha tirkeýsiz turǵan 41 906 adam ákimshilik jaýapkershilikke tartyldy, dep habarlaidy dalanews.kz.
Onyń 533-i ákimshilik jaza alǵannan keiin bir jyl ishinde talapty qaita buzǵan.
Shetelden Qazaqstanǵa kelgen azamattar elge kirgen kúnnen bastap 10 kúntizbelik kún ishinde tirkelýge mindetti. Tirkeýsiz nemese jeke basyn kýálandyratyn qujattarsyz turý ákimshilik quqyq buzýshylyq bolyp sanalady.
Ákimshilik quqyq buzýshylyq týraly kodekstiń 492-baby boiynsha mundai zań buzýshylyq úshin 20 ailyq eseptik kórsetkishke deiin aiyppul qarastyrylǵan.
Elorda prokýratýrasy turǵyndardy tirkeýsiz jáne tiisti qujattarsyz azamattardyń turýyna jol bermeýge shaqyrdy.
