Astana qalasy prokýratýrasynyń úılestirýimen qylmystyq qýdalaý organy aldyn ala sóz baılasý arqyly bir jyl boıy áreket etken alaıaqtar tobyn áshkereledi, dep habarlaıdy Dalanews.kz.

Saýda úıiniń qyzmetkeri 10 tanysymen qylmystyq kelisimge kelip, turmystyq tehnıkany tómen baǵamen satyp alý úshin jalǵan promokodtar rásimdegen.

Qylmysqa qatysýshylar iPhone uıaly telefondaryn, noýtbýkterdi, teledıdarlardy, tońazytqyshtardy jáne basqa da elektronıka taýarlaryn satyp alyp, olardy úshinshi tulǵalarǵa satqan.

Saýda úıine keltirilgen zalal 473,6 mln teńgeni qurady.

Qylmystyń barlyq 10 qatysýshysy 4 jyldan 8 jylǵa deıingi merzimge bas bostandyǵynan aıyryldy.

Keltirilgen materıaldyq zalaldy óndirý týraly azamattyq talaptar tolyq kólemde qanaǵattandyryldy. Úkim zańdy kúshine engen joq.