Astanada zańsyz et satý joly áshkerelendi, dep habarlaidy Dalanews.kz.
Astana politsiiasy "Álem" bazarynda sapasy belgisiz et ónimderin ótkizý arnasyn toqtatty. Ýákiletti organdardyń ruqsatynsyz veterinariialyq ilespe qujattardy rásimdeýmen ainalysqan 41 jastaǵy er adamnyń zańsyz áreketi anyqtaldy.
"Er adam syiaqy úshin et ónimderine mór basyp, satýshylarǵa qajet ruqsat qujattarynsyz ónimdi satýǵa múmkindik bergen. Onyń qoldanǵan móri tárkilendi. Jalǵan qujattardy, mórler men shtamptardy qoldan jasaǵany jáne taratqany úshin qylmystyq is qozǵaldy", - dedi politsiia.
Politsiia et ónimderin satyp alý kezinde veterinariialyq qujattardy muqiiat tekserýdiń asa mańyzdy ekenin eske saldy.
