Aldymen Túrkistan oblysy ákimi Darhan Satybaldynyń ystyq yqylasyn jetkizgen oblys ákiminiń orynbasary Beisenbai Tájibaev ádebi sapardyń maqsaty men basqosýdyń mán-jaiyna toqtalyp, mazmundy sharany ózi júrgizip otyrdy.
Alǵash bolyp sóz alǵan qoǵam qairatkeri Darhan Myńbai Túrkistanda qolónerdi damytýdy, qolónershilerdi shaqyrtyp jaǵdai jasaýdy usyndy.
QR Parlamenti Májilisiniń depýtaty, aqyn Qazybek Isa Túrkistannyń Qazaq handyǵynyń astanasy bolǵandyǵyn basty nazarda ustaý kerektigin alǵa tartyp, kitap qoryna óz úlesin qosatynyn jetkizdi.
QR Parlamenti Májilisiniń depýtaty, aqyn Janarbek Áshimjan Túrkistan Qazaqstan degen uǵymnyń balamasyna ainalǵanyn aita kele, qýǵyn-súrginge qatysty kitabyn syiǵa tartty.
Al alashtanýshy Qairat Ysqaq Astanadan áli de kitap jinap, jyl sońyna deiin kitap kerýenin uiymdastyrýdy usyndy. Sonymen qatar Qazaqstan Jazýshylar odaǵynyń Astana qalasy filialynyń tóraǵasy Dáýletkerei Kápuly men jas aqyn, «Daryn» jastar syilyǵynyń iegeri Batyrhan Sársenhan da sóz sóilep, óz úlesterin qosty. Jalpy jiynda Astanalyq qalamgerler kitaphana qoryna 4 myńǵa jýyq kitap syiǵa tartty.
Aita keteiik, QR Prezidentiniń Jarlyǵymen 2018 jyly 19 maýsymda Túrkistan oblysy quryldy. Túrkistan qalasy oblys ortalyǵyna ainaldy. Biyl oblystyń qurylǵanyna 5 jyl tolýyna orai oblystyq «Farab» ámbebap ǵylymi kitaphanasynyń uiymdastyrýymen ótken sharanyń maqsaty – Túrkistan oblysynyń rýhaniiat, ádebiet jáne mádeniet salasynda bolyp jatqan jańalyqtarymen bólisý, «Aýyl kitaphanalaryna 20 myń kitap» aktsiiasyna kitap qoryn qalyptastyrý.
Buǵan deiin Jambyl oblysy men Almaty qalasynda ótken ádebi-taǵylymdy shara aldaǵy ýaqytta Qyzylorda oblysy men Shymkent qalasynda jalǵasyn tabady.
