Mamandardyń aitýynsha, keńsede qyzmet etetin qyz-kelinshekterdiń 40 paiyzy jumys ornynda óziniń ekinshi jartysyn tabýǵa tyrysady eken. Olar armanyndaǵy jigitke qol jetkizý úshin, kúni boiy boianyp-sylanyp qana qoimai, óz jumysynan bas tartýǵa da daiyn eken. Nege?
Óitkeni, keńsede olardyń ómiriniń teń jartysy ótetini belgili. Syrtqa shyǵyp, sharq uryp súiiktisin izdeýge ýaqyttary joq.
Sondyqtan Astanadaǵy keńsede isteitin boijetkender tamaǵy men kosmetikasy, kerek deseńiz jastyǵyn da ózimen birge alyp júredi eken.
Osylaisha sheneýnikter qalasy sanalatyn Astana áriptester hikaiasynan kósh bastap tur. Munda árbir úshinshi qyzmetker jumysynda mindetti túrde bireýmen kóńil jarastyrýdy ádetke ainaldyrǵan. Alaida, qyzmettester romanyna qalai qaraisyz degen suraqqa, depýtattar at tondaryn alaqashyp, jaýap berýden qashqaqtapty.
Áleýmettanýshylar, qyzmettik roman jii kezdesetin mekemelerdi de anyqtapty. Zertteý nátijesi boiynsha top-menedjerler, marketologtar, mádeniet salasy men týristik bizneste qyzmet kórsetetin qyzmetkerlerdiń jartysy bir-birimen jii kóńil qosatyny málim boldy. Ony tanymal ánshi Baian Nurmysheva da rastady. Onyń aitýynsha, ol óz mahabbatyn dál osy sahnada tapqan.
– O basta bir-birimizdi jii kórip, kontserttik baǵdarlamalarda kóp jolyǵatyn boldyq. Tipti, gastroldik sarapalarǵa da birge shyǵatynbyz, – deidi ánshi.
Jumys barysynda kóńil jarastyrýǵa qatysty psiholog mamandardyń pikiri ekige jarylǵanyn aita ketýimiz kerek. Biri jumysta paida bolǵan flirt eńbek ónimdiligin arttyrady dese, ekinshi tarap qyzmet pen mahabbaty múldem aralastyrýǵa bolmaitynyn aitýda.
Áriptester arasyndaǵy mahabbat hikasynyń árbir besinshisi úilený toiymen aiaqtalatynyn da aita ketýmiz kerek. Al 19 paiyzy mansap qýyp, bastyqtarymen birge bolǵandy qalasa, 22%-y shyn mahabbatpen qosylady eken. Al 23%-y jai kóńil kóterý úshin júretńn bolsa kerek. Al saýlanmaǵa qatysqandardyń 17%-y qyzmettik romandaryn jasyryn ustaýǵa tyrssa, 19%-y qatal túrde sýbordinatsiia saqtaityndaryn alǵa tartypty.
https://dalanews.kz/17528
