مامانداردىڭ ايتۋىنشا، كەڭسەدە قىزمەت ەتەتىن قىز-كەلىنشەكتەردىڭ 40 پايىزى جۇمىس ورنىندا ءوزىنىڭ ەكىنشى جارتىسىن تابۋعا تىرىسادى ەكەن. ولار ارمانىنداعى جىگىتكە قول جەتكىزۋ ءۇشىن، كۇنى بويى بويانىپ-سىلانىپ قانا قويماي، ءوز جۇمىسىنان باس تارتۋعا دا دايىن ەكەن. نەگە؟
ويتكەنى، كەڭسەدە ولاردىڭ ءومىرىنىڭ تەڭ جارتىسى وتەتىنى بەلگىلى. سىرتقا شىعىپ، شارق ۇرىپ سۇيىكتىسىن ىزدەۋگە ۋاقىتتارى جوق.
سوندىقتان استاناداعى كەڭسەدە ىستەيتىن بويجەتكەندەر تاماعى مەن كوسمەتيكاسى، كەرەك دەسەڭىز جاستىعىن دا وزىمەن بىرگە الىپ جۇرەدى ەكەن.
وسىلايشا شەنەۋنىكتەر قالاسى سانالاتىن استانا ارىپتەستەر حيكاياسىنان كوش باستاپ تۇر. مۇندا ءاربىر ءۇشىنشى قىزمەتكەر جۇمىسىندا مىندەتتى تۇردە بىرەۋمەن كوڭىل جاراستىرۋدى ادەتكە اينالدىرعان. الايدا، قىزمەتتەستەر رومانىنا قالاي قارايسىز دەگەن سۇراققا، دەپۋتاتتار ات توندارىن الاقاشىپ، جاۋاپ بەرۋدەن قاشقاقتاپتى.
الەۋمەتتانۋشىلار، قىزمەتتىك رومان ءجيى كەزدەسەتىن مەكەمەلەردى دە انىقتاپتى. زەرتتەۋ ناتيجەسى بويىنشا توپ-مەنەدجەرلەر، ماركەتولوگتار، مادەنيەت سالاسى مەن تۋريستىك بيزنەستە قىزمەت كورسەتەتىن قىزمەتكەرلەردىڭ جارتىسى بىر-بىرىمەن ءجيى كوڭىل قوساتىنى ءمالىم بولدى. ونى تانىمال ءانشى بايان نۇرمىشيەۆا دا راستادى. ونىڭ ايتۋىنشا، ول ءوز ماحابباتىن ءدال وسى ساحنادا تاپقان.
– و باستا ءبىر-بىرىمىزدى ءجيى كورىپ، كونسەرتتىك باعدارلامالاردا كوپ جولىعاتىن بولدىق. ءتىپتى، گاسترولدىك ساراپالارعا دا بىرگە شىعاتىنبىز، – دەيدى ءانشى.
جۇمىس بارىسىندا كوڭىل جاراستىرۋعا قاتىستى پسيحولوگ مامانداردىڭ پىكىرى ەكىگە جارىلعانىن ايتا كەتۋىمىز كەرەك. ءبىرى جۇمىستا پايدا بولعان فليرت ەڭبەك ونىمدىلىگىن ارتتىرادى دەسە، ەكىنشى تاراپ قىزمەت پەن ماحابباتى مۇلدەم ارالاستىرۋعا بولمايتىنىن ايتۋدا.
ارىپتەستەر اراسىنداعى ماحاببات حيكاسىنىڭ ءاربىر بەسىنشىسى ۇيلەنۋ تويىمەن اياقتالاتىنىن دا ايتا كەتۋمىز كەرەك. ال 19 پايىزى مانساپ قۋىپ، باستىقتارىمەن بىرگە بولعاندى قالاسا، 22%-ى شىن ماحابباتپەن قوسىلادى ەكەن. ال 23%-ى جاي كوڭىل كوتەرۋ ءۇشىن جۇرەتڭن بولسا كەرەك. ال ساۋلانماعا قاتىسقانداردىڭ 17%-ى قىزمەتتىك روماندارىن جاسىرىن ۇستاۋعا تىرسسا، 19%-ى قاتال تۇردە سۋبورديناسيا ساقتايتىندارىن العا تارتىپتى.
https://dalanews.kz/17528
