Astanada Qazaqstan fýtbol federatsiiasy ornalasqan ǵimaratta balanyń basyna qaqpa qulaǵan. Bul týraly sport jýrnalisi Aslan Qajenov áleýmettik jelidegi paraqshasynda málimdedi, dep habarlaidy dalanews.kz.
Ol oqiǵa keshe bolǵanyn aityp, qazir naqty aqparat ala almai otyrǵanyn jetkizdi.
"Qazir maǵan "Astanadaǵy fýtbol úiinde, iaǵni Qazaqstan fýtbol federatsiiasy ornalasqan ǵimaratta balanyń basyna qaqpa qulap, jansaqtaý bólimine tústi" degen aqparat kelip jatyr. Mendegi bar málimet: oqiǵa keshe shamamen 19:30 shamasynda bolǵan jáne 2017 jylǵy óren zardap shekken. Zardap shekkende, qazir bári eń bolmasa tiri qalýyn tilep otyr. Ókinishke qarai, endi naqty aqparat ala almai dalmyn. Fýtbol federatsiiasynyń baspasóz qyzmetine habarlassam, "ázirge bilmeimiz, surap kóreiik, keiin habarlasaiyq" dep, ózimdi "fýtbolit" etip jiberdi. Mynaý ne masqara? Ony nege jasyrasyzdar? Isti jyly japqylaryń me? Qaiǵyly oqiǵaǵa ne sebep? Kim jaýapty? Fýtbol federatsiiasynyń ǵimaratynda osyndai bolyp jatsa, basqa alańdardaǵy qaýipsizdik qandai?" - dep ashyndy jýrnalist.
Ázirge jaýaptylar bul jaǵdaiǵa qatysty eshqandai pikir bildirmedi.
