Arqada alty ai aiaz bolsa da, Astananyń qysy báribir ádemi. Biraq tabiǵaty tamsandyrǵanymenqardyń jaýýy qala turǵyndaryn edáýir ábigerge salyp qoiatyny taǵy ras. Álbette aýlalar omby qarǵa tolyp, kósheler kóktaiǵaqqa ainalmas úshin kommýnaldyq qyzmetter de 24/7 rejiminde jumys isteidi.
Qalany qardan tazartý jumysyna orta eseppenkún saiyn 2,5 myńnan astam jol jumysshy men 1,5myńnan astam arnaiy tehnika jumyldyrylady eken. Al bir aýdanǵa she?
"Bir ǵana “Saryarqa” aýdanynda qar tazalaý jumystaryna bir kúnde 623 jol jumysshysy jáne 285 arnaiy tehnika jumyldyrylady. Onyń ózindik tártibi bar. Máselen, aýdannyń barlyqaýmaǵyndaǵy qar bir ýaqytta birdei jinalady. Bekitilgen algoritm boiynsha, qar jaýǵandaaldymen áleýmettik nysandarǵa aparar jol, jaiaý júrginshiler joldary, turǵyn úilerge kirip-shyǵý joldary, aialdamalar mańy, basty kósheler tazalanady. Qardy jinap alǵan soń kelesi kezekteavtomobil joldaryna, jaiaý júrginshiler trotýarlaryna qum-tuz qospasy sebiledi. Bul muzdyń erýine septigin tigizip, turǵyndardyń qozǵalysyn jeńildetedi. Odan keiin erip, qaita qata bastaǵan muz qaldyqtaryn tazalaimyz.Sondai-aq, turǵyndar áleýmettik jeliler men Ikomek jedel qyzmetine qar tazalaý týraly óz ótinishterin qaldyra alady. Mundai kezde dereý nazar aýdarylyp, qosymsha tazalaý jumystary júrgiziledi", - dedi "Saryarqa" aýdany ákiminiń orynbasary Erjan Jumaǵulov.
Qys bastalǵaly bir ǵana “Saryarqa” aýdanynan 700 myń tekshe metrden astam qar shyǵarylypty. Onyń barlyǵy arnaiy poligonǵa jóneltiledi. Aita ketetin nárse, ár aýdannyń qar tógetin óz poligony bar. Bir ǵana “Saryarqa” aýdanynda 22 merdigerlik uiym jumys isteidi.
"Eki rejimde jumys isteimiz. Kúndizgi aýysym tańǵy 6-da bastalyp, 16:00-ge deiin, ári qarai túngi aýysym tańǵy 4-ke deiin qar tazalaidy. Qartazalaǵanda aldymen basty kóshelerde 7 tehnikadan turatyn joltazalaǵysh mashinalar kolonasy ótedi. Sosyn jol jiegine ysyrylǵanqardy tiegish tehnika arqyly artyp, poligonǵa tasimyz. Al jaiaý júrginshiler jolyn tazalaýǵa arnaiy shaǵyn traktorlar jumyldyrylǵan.Sondai-aq, tehnika kire almaityn jerlerdi jumysshylar kúrekpen tazalaidy. Turǵyn úi aýlalaryna keletin bolsaq, ár mekenjaidy tazalaityn jumys kestesi aýlalarda ilingen. Kestege sáikes tolyq qardan tazartý jumystaryn júrgizemiz. Degenmen, qalyń qar túskendealdymen aýlalarǵa kirý-shyǵý joldarynyń bolýyn qamtamasyz etýge tyrysamyz, da jalpy tazalaý jumystaryna kóshemiz", - dedi "AbatServis" merdigerlik kompaniiasynyń menedjeri Dáýlet Sádýaqasov
Qar tazalaý jumystaryna qala turǵyndarynyń da kóńilderi tolady. Kópshiligi túsinistikpen qaraýda.
"Aýlamyzdy jii tazalaidy. Ózim K. Baiseitova, 8 mekenjaiy boiynsha turamyn. Keide túnde kelip tazalap ketetin kezder de bolady. Kishkene yńǵaisyzdyqtar týyndaǵanmen tańerteń tap-taza bolyp turady. Jumysqa barar jolda da kommýnaldyq qyzmetkerlerdiń tynymsyz jumysyn baiqaimyn. Negizi bizdiń aýdanda árqashan taza. Jol tazalaityn kisilerge kúsh-qýat tileimin", - dep qala turǵyny Naǵima Satenova óz pikirin bildirdi.
