ارقادا التى اي اياز بولسا دا، استانانىڭ قىسى ءبارىبىر ادەمى. ءبىراق تابيعاتى تامساندىرعانىمەنقاردىڭ جاۋۋى قالا تۇرعىندارىن ەداۋىر ابىگەرگە سالىپ قوياتىنى تاعى راس. البەتتە اۋلالار ومبى قارعا تولىپ، كوشەلەر كوكتايعاققا اينالماس ءۇشىن كوممۋنالدىق قىزمەتتەر دە 24/7 رەجيمىندە جۇمىس ىستەيدى.
قالانى قاردان تازارتۋ جۇمىسىنا ورتا ەسەپپەنكۇن سايىن 2،5 مىڭنان استام جول جۇمىسشى مەن 1،5مىڭنان استام ارنايى تەحنيكا جۇمىلدىرىلادى ەكەن. ال ءبىر اۋدانعا شە؟
"ءبىر عانا “سارىارقا” اۋدانىندا قار تازالاۋ جۇمىستارىنا ءبىر كۇندە 623 جول جۇمىسشىسى جانە 285 ارنايى تەحنيكا جۇمىلدىرىلادى. ونىڭ وزىندىك ءتارتىبى بار. ماسەلەن، اۋداننىڭ بارلىقاۋماعىنداعى قار ءبىر ۋاقىتتا بىردەي جينالادى. بەكىتىلگەن الگوريتم بويىنشا، قار جاۋعانداالدىمەن الەۋمەتتىك نىساندارعا اپارار جول، جاياۋ جۇرگىنشىلەر جولدارى، تۇرعىن ۇيلەرگە كىرىپ-شىعۋ جولدارى، ايالدامالار ماڭى، باستى كوشەلەر تازالانادى. قاردى جيناپ العان سوڭ كەلەسى كەزەكتەاۆتوموبيل جولدارىنا، جاياۋ جۇرگىنشىلەر تروتۋارلارىنا قۇم-تۇز قوسپاسى سەبىلەدى. بۇل مۇزدىڭ ەرۋىنە سەپتىگىن تيگىزىپ، تۇرعىنداردىڭ قوزعالىسىن جەڭىلدەتەدى. ودان كەيىن ەرىپ، قايتا قاتا باستاعان مۇز قالدىقتارىن تازالايمىز.سونداي-اق، تۇرعىندار الەۋمەتتىك جەلىلەر مەن Ikomek جەدەل قىزمەتىنە قار تازالاۋ تۋرالى ءوز وتىنىشتەرىن قالدىرا الادى. مۇنداي كەزدە دەرەۋ نازار اۋدارىلىپ، قوسىمشا تازالاۋ جۇمىستارى جۇرگىزىلەدى"، - دەدى "سارىارقا" اۋدانى اكىمىنىڭ ورىنباسارى ەرجان جۇماعۇلوۆ.
قىس باستالعالى ءبىر عانا “سارىارقا” اۋدانىنان 700 مىڭ تەكشە مەتردەن استام قار شىعارىلىپتى. ونىڭ بارلىعى ارنايى پوليگونعا جونەلتىلەدى. ايتا كەتەتىن نارسە، ءار اۋداننىڭ قار توگەتىن ءوز پوليگونى بار. ءبىر عانا “سارىارقا” اۋدانىندا 22 مەردىگەرلىك ۇيىم جۇمىس ىستەيدى.
"ەكى رەجيمدە جۇمىس ىستەءيمىز. كۇندىزگى اۋىسىم تاڭعى 6-دا باستالىپ، 16:00-گە دەيىن، ءارى قاراي تۇنگى اۋىسىم تاڭعى 4-كە دەيىن قار تازالايدى. قارتازالاعاندا الدىمەن باستى كوشەلەردە 7 تەحنيكادان تۇراتىن جولتازالاعىش ماشينالار كولوناسى وتەدى. سوسىن جول جيەگىنە ىسىرىلعانقاردى تيەگىش تەحنيكا ارقىلى ارتىپ، پوليگونعا تاسيمىز. ال جاياۋ جۇرگىنشىلەر جولىن تازالاۋعا ارنايى شاعىن تراكتورلار جۇمىلدىرىلعان.سونداي-اق، تەحنيكا كىرە المايتىن جەرلەردى جۇمىسشىلار كۇرەكپەن تازالايدى. تۇرعىن ءۇي اۋلالارىنا كەلەتىن بولساق، ءار مەكەنجايدى تازالايتىن جۇمىس كەستەسى اۋلالاردا ىلىنگەن. كەستەگە سايكەس تولىق قاردان تازارتۋ جۇمىستارىن جۇرگىزەمىز. دەگەنمەن، قالىڭ قار تۇسكەندەالدىمەن اۋلالارعا كىرۋ-شىعۋ جولدارىنىڭ بولۋىن قامتاماسىز ەتۋگە تىرىسامىز، دا جالپى تازالاۋ جۇمىستارىنا كوشەمىز"، - دەدى "اباتسەرۆيس" مەردىگەرلىك كومپانياسىنىڭ مەنەدجەرى داۋلەت ءسادۋاقاسوۆ
قار تازالاۋ جۇمىستارىنا قالا تۇرعىندارىنىڭ دا كوڭىلدەرى تولادى. كوپشىلىگى تۇسىنىستىكپەن قاراۋدا.
"اۋلامىزدى ءجيى تازالايدى. ءوزىم ك. بايسەيتوۆا، 8 مەكەنجايى بويىنشا تۇرامىن. كەيدە تۇندە كەلىپ تازالاپ كەتەتىن كەزدەر دە بولادى. كىشكەنە ىڭعايسىزدىقتار تۋىنداعانمەن تاڭەرتەڭ تاپ-تازا بولىپ تۇرادى. جۇمىسقا بارار جولدا دا كوممۋنالدىق قىزمەتكەرلەردىڭ تىنىمسىز جۇمىسىن بايقايمىن. نەگىزى ءبىزدىڭ اۋداندا ءارقاشان تازا. جول تازالايتىن كىسىلەرگە كۇش-قۋات تىلەيمىن"، - دەپ قالا تۇرعىنى ناعيما ساتەنوۆا ءوز پىكىرىن ءبىلدىردى.
