Astanada 5 aqpanda qatty qar jaýyp, tańnan beri 45 jol apaty tirkeldi, dep habarlaidy Dalanews.kz.
Astana qalalyq Politsiia departamentiniń baspasóz qyzmeti aýa raiy kúrt nasharlaýy, ásirese, jyldamdyqty saqtamaý jol apaty qaýpin aitarlyqtai arttyratynyn málimdedi.
"Tańnan beri Astanada 45 jol apaty tirkeldi. Qalyń qar jaýǵan kezde júrgizýshiler belgilengen jyldamdyq rejimin qatań saqtap, kúrt manevr jasaýdan aýlaq bolyp, qaýipsiz araqashyqty ustanýy qajet", - dep eskertti departament ókilderi.
Politsiia múmkindiginshe qala syrtyna alys saparǵa shyqpaýǵa keńes berdi. Kúrdeli meteojaǵdaiǵa bailanysty keibir tasjoldarda qozǵalys ishinara shektelgen.
Jaiaý júrginshilerden de erekshe saq bolý suraldy. Joldy tek belgilengen jerden kesip ótip, jaryq shaǵylystyratyn elementter qoldaný, joldan óter kezde qulaqqapty sheship, telefonǵa alańdamaý qajet. Sonymen qatar, qalaǵa ushaqtar qona almai jatqany, olar Qaraǵandyǵa baǵyttalǵany aityldy.
