استانادا 5 اقپاندا قاتتى قار جاۋىپ, تاڭنان بەرٸ 45 جول اپاتى تٸركەلدٸ, دەپ حابارلايدى Dalanews.kz.
استانا قالالىق پوليتسييا دەپارتامەنتٸنٸڭ باسپاسٶز قىزمەتٸ اۋا رايى كٷرت ناشارلاۋى, ەسٸرەسە, جىلدامدىقتى ساقتاماۋ جول اپاتى قاۋپٸن ايتارلىقتاي ارتتىراتىنىن مەلٸمدەدٸ.
"تاڭنان بەرٸ استانادا 45 جول اپاتى تٸركەلدٸ. قالىڭ قار جاۋعان كەزدە جٷرگٸزۋشٸلەر بەلگٸلەنگەن جىلدامدىق رەجيمٸن قاتاڭ ساقتاپ, كٷرت مانەۆر جاساۋدان اۋلاق بولىپ, قاۋٸپسٸز اراقاشىقتى ۇستانۋى قاجەت", - دەپ ەسكەرتتٸ دەپارتامەنت ٶكٸلدەرٸ.
پوليتسييا مٷمكٸندٸگٸنشە قالا سىرتىنا الىس ساپارعا شىقپاۋعا كەڭەس بەردٸ. كٷردەلٸ مەتەوجاعدايعا بايلانىستى كەيبٸر تاسجولداردا قوزعالىس ٸشٸنارا شەكتەلگەن.
جاياۋ جٷرگٸنشٸلەردەن دە ەرەكشە ساق بولۋ سۇرالدى. جولدى تەك بەلگٸلەنگەن جەردەن كەسٸپ ٶتٸپ, جارىق شاعىلىستىراتىن ەلەمەنتتەر قولدانۋ, جولدان ٶتەر كەزدە قۇلاققاپتى شەشٸپ, تەلەفونعا الاڭداماۋ قاجەت. سونىمەن قاتار, قالاعا ۇشاقتار قونا الماي جاتقانى, ولار قاراعاندىعا باعىتتالعانى ايتىلدى.
