Astanada Perızat Qaırat pen anasyna qatysty isti qaraý bastaldy, dep habarlaıdy Dalanews.kz.
Aldyn ala tyńdalym barysynda kúdiktiler BAQ ókilderiniń proseske qatysýyna qarsy ekenderin bildirdi. Sonymen qatar olar sot otyrystary kezinde foto jáne vıdeo túsirilimge tyıym salýdy talap etken.
Astana qalalyq sotynyń baspasóz qyzmeti sottyń otyrystyń ashyq ne jabyq ótetini jóninde sheshim qabyldaý úshin keńesý bólmesine ketkenin habarlady.
Eske salaıyq, buǵan deıin qarjylyq monıtorıńi agenttigi Perızat Qaırat pen onyń anasy Gaını Alashbaevaǵa qatysty alaıaqtyq jáne qylmystyq jolmen alynǵan aqsha men múlikti zańdastyrý faktileri boıynsha sotqa deıingi tergep-tekserýdi aıaqtady.
2025 jylǵy 19 naýryzda taraptar 109 tomnan turatyn qylmystyq is materıaldarymen tanysýǵa kiristi.
Buǵan deıin habarlanǵandaı, zalal somasy 3,5 mlrd teńgeni qurady.
Urlanǵan qarajatqa satyp alynǵan 865 mln teńge kólemindegi múlikke tyıym salyndy.
Qylmystyq is aıyptaý aktisin bekitý jáne sotqa joldaý úshin Bas prokýratýraǵa berildi.
