Astanada ózin politseimin dep jurtty bopsalaǵan adam ustaldy. Bul týraly IIM málimdedi, dep habarlaidy Dalanews.kz.
Qyrkúiekte ózin quqyq qorǵaý organdarynyń qyzmetkeri retinde tanystyryp, aqsha bopsalaǵan elorda turǵyny ustaldy. Kúdiktiden jalǵan kýálik tárkilengen.
Sondai-aq, Astanada áleýmettik jeliler arqyly bopsalaý syzbasyn uiymdastyrǵan, buryn sottalǵan áiel ustaldy. Kúdikti tanysý jáne kezdesýdi syltaý etip, zorlyq týraly jalǵan aryzben politsiiaǵa júginemin dep er adamdardy qorqytqan. Ol ustalyp, jaýapkershilikke tartyldy.
Odan bólek, 25 jastaǵy er adam ustalǵan. Ol kúsh qoldanamyn dep qorqytyp, bopsalaýmen ainalysqan. Odan atys qarýy men oq-dáriler tárkilendi.
Elorda turǵyndarynyń shaǵymyn tekserý barysynda "Lazýrnyi kvartal", "Diplomat" jáne "Mison" turǵyn úi keshenderinde zańsyz priton uiymdastyrǵan top anyqtalǵan. 14 adam ustalyp, uiymdastyrýshylar ýaqytsha ustaý izoliatoryna qamaýǵa alynǵan.
