استانادا ءوزىن پوليسەيمىن دەپ جۇرتتى بوپسالاعان ادام ۇستالدى. بۇل تۋرالى ءىىم مالىمدەدى، دەپ حابارلايدى Dalanews.kz.
قىركۇيەكتە ءوزىن قۇقىق قورعاۋ ورگاندارىنىڭ قىزمەتكەرى رەتىندە تانىستىرىپ، اقشا بوپسالاعان ەلوردا تۇرعىنى ۇستالدى. كۇدىكتىدەن جالعان كۋالىك تاركىلەنگەن.
سونداي-اق، استانادا الەۋمەتتىك جەلىلەر ارقىلى بوپسالاۋ سىزباسىن ۇيىمداستىرعان، بۇرىن سوتتالعان ايەل ۇستالدى. كۇدىكتى تانىسۋ جانە كەزدەسۋدى سىلتاۋ ەتىپ، زورلىق تۋرالى جالعان ارىزبەن پوليسياعا جۇگىنەمىن دەپ ەر ادامداردى قورقىتقان. ول ۇستالىپ، جاۋاپكەرشىلىككە تارتىلدى.
ودان بولەك، 25 جاستاعى ەر ادام ۇستالعان. ول كۇش قولدانامىن دەپ قورقىتىپ، بوپسالاۋمەن اينالىسقان. ودان اتىس قارۋى مەن وق-دارىلەر تاركىلەندى.
ەلوردا تۇرعىندارىنىڭ شاعىمىن تەكسەرۋ بارىسىندا "لازۋرنىي كۆارتال"، "ديپلومات" جانە "ميسون" تۇرعىن ءۇي كەشەندەرىندە زاڭسىز پريتون ۇيىمداستىرعان توپ انىقتالعان. 14 ادام ۇستالىپ، ۇيىمداستىرۋشىلار ۋاقىتشا ۇستاۋ يزولياتورىنا قاماۋعا الىنعان.
