Astanada oqýshy qyzdarǵa qyryńdaǵan muǵalimniń ústinen qylmystyq is qozǵaldy, - dep habarlaidy Dalanews.kz Nege.kz-ke silteme jasap.
Istiń mán-jaiyna qatysty qalalyq bilim basqarmasy pikir bildirdi.
«Muǵalim 2024 jylǵy 2 qyrkúiekten beri synaq merziminde jumys istedi. Mektepishilik tártip komissiiasynyń sheshimimen pedagog 2024 jylǵy 30 qyrkúiekte jumystan bosatyldy», - delingen habarlamada.
Belgili bolǵandai ustazdy QR Eńbek kodeksiniń 52 baby, 14 tarmaǵy negizinde (tárbieleý fýnktsiialaryn atqaratyn jumysker osy jumysyn jalǵastyrýmen syiyspaityn, moralǵa qaishy qylyqtar jasaǵan) jumystan bosatqan.
Ata-analar shý shyǵarǵannan keiin jumystan qýylǵan muǵalimniń ústinen qylmystyq is qozǵaldy.
«Atalǵan fakti boiynsha qylmystyq is tirkeldi, tergeý amaldary júrip jatyr. Qylmystyq-protsestik kodekstiń 201-babyna sáikes ózge de aqparat taratýǵa jatpaidy», - dep rastady elordanyń politsiia departamenti.
Sondai-aq, elimizdiń bala quqyqtary jónindegi ýákili Dinara Zákieva atalǵan jait boiynsha qylmystyq is qozǵalǵanyn jelide jazdy.
