استانادا وقۋشى قىزدارعا قىرىڭداعان ءمۇعالىمنىڭ ۇستىنەن قىلمىستىق ءىس قوزعالدى، - دەپ حابارلايدى Dalanews.kz Nege.kz-كە سىلتەمە جاساپ.
ءىستىڭ ءمان-جايىنا قاتىستى قالالىق ءبىلىم باسقارماسى پىكىر ءبىلدىردى.
«ءمۇعالىم 2024 جىلعى 2 قىركۇيەكتەن بەرى سىناق مەرزىمىندە جۇمىس ىستەدى. مەكتەپىشىلىك ءتارتىپ كوميسسياسىنىڭ شەشىمىمەن پەداگوگ 2024 جىلعى 30 قىركۇيەكتە جۇمىستان بوساتىلدى»، - دەلىنگەن حابارلامادا.
بەلگىلى بولعانداي ۇستازدى ق ر ەڭبەك كودەكسىنىڭ 52 بابى، 14 تارماعى نەگىزىندە (تاربيەلەۋ فۋنكسيالارىن اتقاراتىن جۇمىسكەر وسى جۇمىسىن جالعاستىرۋمەن سىيىسپايتىن، مورالعا قايشى قىلىقتار جاساعان) جۇمىستان بوساتقان.
اتا-انالار شۋ شىعارعاننان كەيىن جۇمىستان قۋىلعان ءمۇعالىمنىڭ ۇستىنەن قىلمىستىق ءىس قوزعالدى.
«اتالعان فاكتى بويىنشا قىلمىستىق ءىس تىركەلدى، تەرگەۋ امالدارى ءجۇرىپ جاتىر. قىلمىستىق-پروسەستىك كودەكستىڭ 201-بابىنا سايكەس وزگە دە اقپارات تاراتۋعا جاتپايدى»، - دەپ راستادى ەلوردانىڭ پوليسيا دەپارتامەنتى.
سونداي-اق، ەلىمىزدىڭ بالا قۇقىقتارى جونىندەگى ۋاكىلى دينارا زاكييەۆا اتالعان جايت بويىنشا قىلمىستىق ءىس قوزعالعانىن جەلىدە جازدى.
