Áleýmettik jelide astanalyq mektep-gımnazıalardyń birinde mektep oqýshylary qatarlastaryna býllıng jasaǵany týraly vıdeo tarady, dep habarlaıdy Dalanews.kz.

Málimetterge súıensek, oqıǵa  Y.Altynsarın atyndaǵy №83 mektep-gımnazıasynda órbigen. Vıdeodan birneshe jasóspirimniń  oqýshy qurdastaryn mazaq etkenin kórýge bolady.

Astana_press paraqshasynda jarıalanǵan aqparattarǵa nazar aýdarsaq, bir top oqýshy balalarǵa kún kórsetpeı kelgen. Bul týraly mektep dırektory men onyń orynbasarlary da, muǵalimder de bilgen, alaıda shara qoldanbaǵan degen aqaparat ta bar.

Bul jaıtqa qatysty Astana qalasy polısıa departamentiniń baspasóz qyzmeti pikir bildirdi.

"Atalǵan fakti boıynsha oqıǵanyń barlyq qatysýshysy – 9-synyp oqýshylary anyqtaldy. Olardan ata-analarynyń qatysýymen suraq-jaýap alyndy. Bolǵan oqıǵanyń mán-jaıy anyqtalyp jatyr", – delingen resmı habarlamada.

Sonyń nátıjeleri boıynsha oqýshylardyń is-áreketterine quqyqtyq baǵa beriledi.