الەۋمەتتىك جەلىدە استانالىق مەكتەپ-گيمنازيالاردىڭ بىرىندە مەكتەپ وقۋشىلارى قاتارلاستارىنا بۋللينگ جاساعانى تۋرالى ۆيدەو تارادى، دەپ حابارلايدى Dalanews.kz.

مالىمەتتەرگە سۇيەنسەك، وقيعا  ى.التىنسارين اتىنداعى №83 مەكتەپ-گيمنازياسىندا وربىگەن. ۆيدەودان بىرنەشە ءجاسوسپىرىمنىڭ  وقۋشى قۇرداستارىن مازاق ەتكەنىن كورۋگە بولادى.

Astana_press پاراقشاسىندا جاريالانعان اقپاراتتارعا نازار اۋدارساق، ءبىر توپ وقۋشى بالالارعا كۇن كورسەتپەي كەلگەن. بۇل تۋرالى مەكتەپ ديرەكتورى مەن ونىڭ ورىنباسارلارى دا، مۇعالىمدەر دە بىلگەن، الايدا شارا قولدانباعان دەگەن اقاپارات تا بار.

بۇل جايتقا قاتىستى استانا قالاسى پوليسيا دەپارتامەنتىنىڭ باسپا ءسوز قىزمەتى پىكىر ءبىلدىردى.

"اتالعان فاكتى بويىنشا وقيعانىڭ بارلىق قاتىسۋشىسى – 9-سىنىپ وقۋشىلارى انىقتالدى. ولاردان اتا-انالارىنىڭ قاتىسۋىمەن سۇراق-جاۋاپ الىندى. بولعان وقيعانىڭ ءمان-جايى انىقتالىپ جاتىر"، – دەلىنگەن رەسمي حابارلامادا.

سونىڭ ناتيجەلەرى بويىنشا وقۋشىلاردىڭ ىس-ارەكەتتەرىنە قۇقىقتىق باعا بەرىلەدى.