Astanada sýdia Asel Dosaevaǵa qatysty ákimshilik is sot qaraýyna joldandy, dep habarlaidy Dalanews.kz.
Asel Dosaeva birneshe ai buryn qala kósheleriniń birinde mas kúide rólge otyrǵan kúii ustalǵan. Politsiia tekserisi onyń mas kúide bolǵanyn dáleldep, sonymen qatar júrgizýshi kýáliginiń merzimi ótip ketkenin anyqtady. Kólik aiyp turaǵyna jetkizildi.
Aita keteiik, oqiǵa barysynda Dosaevanyń sýdialyq mártebesine bailanysty is birden qaralmady. Keiin Qazaqstan Respýblikasynyń Bas prokýratýrasy Memleket basshysyna usynys engizip, sýdiany ákimshilik jaýapkershilikke tartýǵa ruqsat alǵan.
Is boiynsha sot otyrysy 31 jeltoqsanǵa belgilengenimen, qosymsha materialdar jinaý úshin keiinge qaldyrylǵan.
Asel Dosaeva buǵan deiin Mańǵystaý oblysynda sýdia bolyp jumys istegen, keiin qyzmet babymen Astanaǵa aýysqan. Oqiǵa onyń kásibi bedeline eleýli soqqy boldy.
