استانادا سۋديا اسەل دوسايەۆاعا قاتىستى اكىمشىلىك ءىس سوت قاراۋىنا جولداندى، دەپ حابارلايدى Dalanews.kz.
اسەل دوسايەۆا بىرنەشە اي بۇرىن قالا كوشەلەرىنىڭ بىرىندە ماس كۇيدە رولگە وتىرعان كۇيى ۇستالعان. پوليسيا تەكسەرىسى ونىڭ ماس كۇيدە بولعانىن دالەلدەپ، سونىمەن قاتار جۇرگىزۋشى كۋالىگىنىڭ مەرزىمى ءوتىپ كەتكەنىن انىقتادى. كولىك ايىپ تۇراعىنا جەتكىزىلدى.
ايتا كەتەيىك، وقيعا بارىسىندا دوسايەۆانىڭ سۋديالىق مارتەبەسىنە بايلانىستى ءىس بىردەن قارالمادى. كەيىن قازاقستان رەسپۋبليكاسىنىڭ باس پروكۋراتۋراسى مەملەكەت باسشىسىنا ۇسىنىس ەنگىزىپ، سۋديانى اكىمشىلىك جاۋاپكەرشىلىككە تارتۋعا رۇقسات العان.
ءىس بويىنشا سوت وتىرىسى 31 جەلتوقسانعا بەلگىلەنگەنىمەن، قوسىمشا ماتەريالدار جيناۋ ءۇشىن كەيىنگە قالدىرىلعان.
اسەل دوسايەۆا بۇعان دەيىن ماڭعىستاۋ وبلىسىندا سۋديا بولىپ جۇمىس ىستەگەن، كەيىن قىزمەت بابىمەن استاناعا اۋىسقان. وقيعا ونىڭ كاسىبي بەدەلىنە ەلەۋلى سوققى بولدى.
