Astanada liftte balany pyshaqtaǵan jasóspirimniń anasyna 78 640 teńge kóleminde aiyppul salyndy, dep habarlaidy Dalanews.kz Stan.kz-ke silteme jasap.
Áiel Ákimshilik quqyq buzýshylyq týraly kodeksiniń 127-babyna (Kámeletke tolmaǵan adamdy tárbieleý jáne oǵan bilim berý, onyń quqyqtaryn nemese múddelerin qorǵaý jónindegi mindetterdi, qaýipsizdigin qamtamasyz etý jónindegi sharalardy oryndamaý) sáikes jaýapqa tartyldy.
Bul bap boiynsha aiyppuldyń eń joǵary mólsheri 20 ailyq eseptik kórsetkish (AEK) 78 640 teńge. Jasóspirim áli de tergeýde, tergeý jalǵasyp jatyr.
Aita keteiik, jelide Astanadaǵy turǵyn úi keshenderiniń biriniń liftinde baqylaý kamerasynan video paida boldy.
Onda bes jasar balanyń betin kesken jasóspirim túsip qalǵan. Kadrlarda jasóspirim lift jabylýyna jol bermei, qyzdyń ketýine kedergi keltirgeni kórinedi.
Ol pyshaqty shyǵaryp, balaǵa kezemek bolady. Biraq ol birdeńeden seskenip, pyshaqty tyqpaidy.
