Astanada «LIVEGOOD» qarjylyq piramidasyn uiymdastyrýdan alynǵan qylmystyq tabysty jylystatý shemasy anyqtaldy, dep habarlaidy Dalanews.kz.
Tergeý barysynda 2023 jyldan 2025 jylǵa deiingi aralyqta kúdikti biologiialyq belsendi qospalardy satýmen ainalysatyn jelilik marketingtiń atyn jamylǵan «LIVEGOOD» qarjylyq piramidasynyń qurylymdyq bólimshesin basqarǵany anyqtaldy.
Piramida shemasy binarly júiege negizdelgen, oǵan sáikes qatysýshylar jańa qatysýshylardy shaqyrý sanyna bailanysty ártúrli deńgeilerde ornalastyrylǵan.
Osylaisha, qarjylyq piramidanyń negizgi tabysyn BBQ satý emes, jańa salymshylardyń jarnalary quraǵan.
Ýádege sengen 6 myńnan astam azamat deńgeiine bailanysty aiyna 2 000 AQSh dollaryna deiin bonýs alýǵa úmit artyp, «LIVEGOOD» kompaniiasynan ai saiynǵy tólemi bar 50 AQSh dollaryna jazylym satyp alǵan.
Zańsyz jolmen alynǵan qarajatqa kúdikti quny 60 million teńgeden astam avtoturaǵy bar eki páter satyp alǵan, olardy zańdy jolmen tapqan tabysymen úilestirip tárkileýden jasyrý maqsatynda óz atyna jáne senimdi tulǵalarǵa rásimdegen.
Sonymen qatar, tergeý barysynda «Binance» birjasynda 0,28 BTC kriptoaktivteri bar ekeni anyqtaldy, bul 28 myń AQSh dollaryna teń.
Sottyń sanktsiiasymen jyljymaityn múlik pen kriptoaktivterge, avtokólikke, sondai-aq tintý kezinde tárkilengen 19 million teńge jáne 4 myń AQSh dollaryna tyiym salyndy.
2025 jyldyń 7 aqpanynda kúdikti Astana qalasyndaǵy áýejaida shekarany kesip ótý jáne Túrkiiaǵa ushýǵa qamdaný kezinde ustalyp, ýaqytsha ustaý izoliatoryna qamaýǵa alyndy.
2025 jylǵy 8 aqpanda sot oǵan eki aiǵa "kúzetpen ustaý" túrindegi bultartpaý sharasyn sanktsiialady.
Sotqa deiingi tergeý jalǵasýda.
QR QIJK 201-baby boiynsha tergeýdiń múddesine bailanysty basqa aqparat taratylmaidy.
